網賺Basic – Sales Funnel
記得兩年半前一開始，因為乜都唔識，打算用最簡單的方法揾最多的$$$，結果有以下生意模式
- 上Amazon揾產品
- 做Keyword Research
- 整網站
- 吸引人流 (SEO, Paid Traffic, Google Adwords, PPV)
- 等收$$$
除左頭2個項目之外，全部外判，聽落去同睇落去都好似好完美，結果也賺了一些錢，
但係一次Google更新後，因為做SEO的流量急速下滑，這令我察覺自己一路做的有一個好大的漏洞
- 我的訪客好大機會只會去我的網站出現一次，之後就唔會再番黎
- 當Google ｕｐ ｄａｔｅ之後，可能之前的努力就會完全白費
- 不能收到持續的收入
回應開首的問題，如果從頭再來一次的話，我會一開始建立收集Sales Leads 的系統，最簡單的原因就是，接著無論我賣任何產品，我都可以賣俾呢班人!
其實當時也不是沒有想過的，最主要原因係小弟不懂得整收集Email 的page，也不知如何跟進 (明顯係怕英語不佳，抱歉的接受了10+年的英語教育都不太有自信)，最後放棄左!
Sales Funnel 最簡單的意思為銷售系統，你一定有遇過，像小弟這些無知的人一定有試過中招......
旺角會有一些街頭做問卷的人(得承認美女是較難拒絕的)，問你幾歲，收入幾多，結了婚沒有......
之後就會表示為了多謝你，佢地有張優惠卷答謝你 (優惠卷不外要你食滿1000，送你50)，你就跟佢上一個地方...
小弟果次好似係一架預先泊在路邊的車上，之後黎了...
一名小姐手拿著贈品係咁同你講野，佢唔會理你有乜反應，佢不停的講講講，當你說不用時，她就是聾了般，
最後，當然你會得到優惠卷或贈品，但可能已經係45分鐘之後的事.....
你以為事情已經完結?
電話響起，一把温柔又好似似曾相識的聲音:
" 喂...你好呀，我係個日個個xxx，你考慮成點呀? 依家有個最新優惠喎 (下刪一萬字)......."
冷靜的你表示了你不需要之後，她便掛了電話......
三日之後
"喂...我係xxx呀，你可唔可以幫幫我嗎? 我差一張單就到數，我屋企有20隻狗要養，9條蛇要餵......."
當然你可能有一刻心軟了...心想..."算啦，平水相篷，又唔係咁多錢......"可能動搖了一點...最後你也拒絕了...心裡永遠永得下次呢個電話號碼一定唔會接
又兩日之後
你看到了那個已禁的電話號碼又打黎，心自禁喜 - 今次唔會出事了...
一小時後
你收到了一個從未見過的電話號碼，你一聽: "喂...我係xxx呀，做乜唔聽我電話先? 係咪唔當我朋友啦......" (個一刻好似真係你做錯咁)...之後當然又係狂sell
最後，只有兩個結果
- 反面
- 真係成為了朋友，同時間成為了顧客
以上就是一個標準的Sales Funnel，Sales Funnel 有幾個主要原素
- 收集準客戶資料的系統 (Squeeze Page - Email Opt-in box)
- 有一個產品或貨物 (Your Main Site)
- 跟進系統 (Autoresponder - Email Series)
小弟還是不斷學習如何優化自己的銷售系統，當然網上仲有好多揾錢的方法，
但係經過一段時浸淫，如果要在網上建立長久的利益，Sales Funnl係你一定要有的，
技術層面上的可以外判，但係心態上要有呢個模式，絕大部份成功的Internet Marketer都有好強大的sales funnel，
以上所有，包括點整Squeeze Page，都可以在Power Result Academy (要付費的)學到!
Dr Bruce 教我的正正就是建立Sales Funnel