王迪詩:從文字出發 寸盡港男女抵死事
2012/09/24 08:41:40 網誌分類: 娛樂
| 近年開始冒起的神秘人氣女作家王迪詩（DaisyWong），出道以來一直處身於黑暗之中，直至去年才自揭底牌向外界披露她的真身。一向快人快語的她無論大如香港社會民生，或小如與情侶間的雞毛蒜皮事，只要有錯，她都一一狠批，絕不留情。的確，做人最緊要黑白分明，一直崇尚「不做作，做自己」的做人態度正正是我最欣賞她的性格之一。很高興這位極富神秘感的女作家抽空接受「名人會」的訪問，並剖析她的新作如何寸盡港女無風格，讀者們萬勿錯過﹗ 主持﹕黃柏高 統籌﹕林永匡 協力﹕張詠森、龍婉琪 場地提供：PalcoRistorante（Tel:26188383） 從寫專欄到講Talk再到開咪，Daisy論盡社會百態，提到這幾年的寫作生涯，Daisy坦言一直在做自己。 「坦白說，其實我並非甚麼偉人，只不過是一位一直按照自己喜好來生活的人。其實喺我正式成為作家之前，我已經做過8份工，記得當時第一次執筆寫專欄係喺一個機緣巧合下發生，當時有一位朋友問我有無興趣寫吓嘢，結果就開始咗喺《信報》寫專欄。由於一直以來都係以一位年輕女律師嘅身份去窺探這個社會，所以特意用《蘭開夏道》成為專欄的名字，因為呢個正正係中產階級的一種味道與態度，殊不知反應愈來愈好，愈來愈多唔同傳媒機構搵我寫專欄，所以最後我索性辭去日頭的工作，全職以寫嘢為生，一寫就4年了。」 港女無風格 須知道Daisy以寫作起家，即將出書的她將會繼續結集自己的心情及喜愛論盡港男港女，據知正在籌備另一本新書的她，更會涉及從未觸碰過的「Styling」，大踩港女無風格。 「即將推出的《我是我‧王迪詩3》其實都係《蘭開夏道》這個專欄的結集，書中內容主要分為兩大部份，包括首部份的社會時事，以及後半部份的男女關係，而今次我更為呢本書添加一個Subtitle，名為「給港男港女的國民教育」。除此之外，嚟緊我亦計劃再出多2本書，而內容更係我以往從未提及過的Styling，我好想藉呢次機會向讀者講解咩係風格，因為我覺得香港女仔唔識著衫，無Style！大部份都係跟主流而行，而完全無自己的風格可言，著起PRADA上嚟好似侍應咁都仲要著實，完全係衫著人，無個人Style，正正就好似大部份港男港女嘅人生咁，大夥兒都跟隨一個潮流，盲目去結婚、買樓、生仔，但從來無問過自己究竟有無呢個需要、能力，更甚係幸唔幸福﹖」 講Talk到開咪 去年年底公開自己是個三十二歲的女人，名叫楊潔深的Daisy，自公開露面後已無間斷出書及講Talk，早前還成為陳志雲的麾下猛將，為903開咪做《我就是王迪詩》的節目主持。 「自從我真身曝光過後，早前已順利舉行2個TalkShow，嚟緊亦會再舉行，現階段仍然係籌備當中。記得前2個Show的反應都非常好，觀眾們好踴躍，喺最後Q&A嗰Part，大家都問咗好多關於愛情嘅問題，譬如點解另一半於婚前婚後有咁大分別，又或者點解一位男性與異性食飯時不停Send訊息，覆Email會激嬲對方等等，其實我自己覺得「愛情」喺一段關係入面終歸都係會消失，我哋要學習嘅係如何去保持、珍惜最燦爛嘅一刻。由於喺開咪前已經舉行過屬於自己的TalkShow，加上籌備開咪的時間長達半年之久，所以開咪時一啲緊張感覺都無，相反好似一大班朋友傾下計咁，本來半小時的節目，更因為效果非常好而增長至一小時。」 獨愛幽默男 表明享受男歡女愛的Daisy向來以挖苦香港男性，剖析現代愛情故事而聞名，提到自身對另一半的要求，原來她首選幽默感。 「我要求好簡單，我講一個笑話，佢要識笑﹔如果我講一個笑話，而對方唔識笑的話，咁已經代表佢配我唔起﹗我覺得世界上最痛苦的事，係我講完一個笑話，自己覺得好幽默好好笑，殊不知對方唔識笑，仲要加多句﹕『笑話嚟㗎﹖』感覺真係好難堪，完全接受唔倒，所以我對男朋友的要求是必須有幽默感。」 |
 | |
| |
 | |
| |
 | |
| |
 | |
 | |
| |
 | |
高興收到你的資訊謝謝 !