魔童_做唔到大事?_8

仲有, 魔童手頭上有幾多資本? 據報紙講係五十億左右! 假使無線改變孤寒作風, 用一百億或二佰億反挖角, 你出三倍, 無線出六倍, 你估你可以維持幾耐, 可以牙擦幾耐! 魔童睇死無線唔會改變作風, 又係上市公司; 又要對股東負責, 所以日日出口術鬧; 次次出三倍人工挖! 呢頭又話要開總台大過無線? 係真唔係?

人要講公公道道既話, 要做老老實實既事; 唔係單單打打既作風, 露出囂囂張張既態度! 要跟無線爭一日之長短, 先學識謙卑, 先練就修養! 無線改唔改係無線既問題, 你拉走一班職藝員, 係想憑士氣打出天下; 唔係憑鬥氣打出江山! 雖然有人話做唔成英雄都要做梟雄; 但係成班伙記跟你搵食, 點都要對得住人地架!

~~待續