馬死落地行

忽然想起有一句[馬死落地行]既俗語! 它的確十分傳神; 它的確十分實際! 試想下騎馬人係隻馬死左之後, 仲依戀馬屍唔肯落黎, 係愚蠢得可憐? 定係對馬用情之深? 抑或係沒有馬仔騎就唔識得憑雙腳走路去創自己天下? 簡單一句, 馬死落地行係提醒我地要時時有面對現實既準備, 對任何突發事情要早存應變既心!

從個人修養黎講, 呢隻馬係指內心既心猿意馬! 呢隻意馬一日唔死, 就有太多不切實際既想法, 萌生太多不必要既煩惱, 仲唔會腳踏實地從心出發老老實實做人, 平平穩穩過活! 人想擁有自己既江山, 唔能夠憑空想像; 唔能夠太倚賴; 唔能夠太逃避! 空想; 倚賴; 逃避即係唔敢面對現實? 呢種作風唔改, 點能夠成功?