貓 化
2012/10/05 08:41:10 網誌分類: 生活
跟得貓多,人也愈來愈貓化。早上起來,伸一個貓式懶腰,用手抓幾下頭髮,然後咪着眼下牀。洗完臉吃點東西,其實好想再去睡,但仍拖着腳步返工,臨離家前看八貓爺一眼,覺得牠們在笑,笑傻人類為口奔馳。 晚上放工回到家,換過最舒適的衣服,學貓捲曲身體在沙發上不動,八貓從四方八面爬上來,把我釘得死死的一起吃爆谷看爛劇。 星期日,如無必要都宅在家,睡完吃完睡過又一Day。這樣過生活,煩惱應該少很多,幾曾見過有皺紋的貓? 如果貓要工作,實在不知道給牠們做甚麼工種好,以牠們愛睡覺、貪新鮮、沒耐性、不合群的性格,真是做鬼都唔靈,又或者牠們做慣乞丐懶做官,要米米日日準時出門口,會要了牠的肥命。 人羨慕貓,多少是感覺做人勞碌,這個月帶小襪睇醫生花費不少,阿寶早前剝牙又是一筆;所以我今世盡力做個愛貓的好人,希望下一世能做隻有人錫的家貓。 關慧玲 |
before 114 "貓宜做的工作...看更" 哈哈! 好啱呀! 不過只可以係夜更, 日頭要瞓覺!
貓宜做的工作...看更
反正看更不一定能防止甚麼
加油呀小襪, 祝早日康復
呢張相影到真真好似俾小襪嚇一嚇咁
現今香港人在部份政棍加傳媒的聳恿下,一天到晚係又嘈唔係又嘈!家嘈屋閉!每天翻開報紙我就血壓飆升。只有在這個欄內才能找會一點歡樂,人都輕鬆點!謝謝關家人貓上下!其實人類多學學貓該多好,只要生活安定,有得食、有得玩、有人愛惜、一天睡它十幾小時就滿足,天下太平。
關小姐: 未必是發炎引致, 可能急性過敏反應, 是解釋唔到。因為兩個月前我黑妹無啦啦對眼腫晒打晒摺不停流眼水, 去睇荃灣享和陳學維醫生, 經診斷是一種來自身體過敏反應而且是較強烈, 他說沒有任何藥物, 只開點補充劑以作舒緩, 也不用覆診, 過兩天就回復正常。你帶襪仔比陳醫生診左吓啦! 因為人同動物一樣有時找多一兩個醫生匯診會好D。Tel.:2490-3736
祝襪仔早日康復, 加油
多謝各位,
這個欄一寫多年,幸得各位不離不棄,家裡小寶是我的生存動力,大家的鼓勵都係丫。
小襪依然係咁,第一隻抗生素無效,好煩。
不知如何是好?
哈哈! "升級版貓奴" !!!!! 好大個 "合味道貓麵" 呀!!!
係呢, 小襪點呀? 手手消咗腫未呀? 搵到係咩原因嗎?
其實您今世都好好,因為您的fans都好錫您架,,您好有愛心,朋友的貓爺也照顧周到,愛護有加,,非常難得,,您是升級版貓奴
關小姐,我們都和貓爺結緣了!
無錯,我地真係要好好努力地搵錢至得....不過見到佢地無病無痛,食得訓得....都會覺得辛苦係值得既
關小姐
me 2