姪女的鄰居
2012/10/14 17:56:33 網誌分類: 生活
今日去姪女屋企食飯, 上lift既時候有個女仔同我say hi~
個女仔大概係高中/ 大專生...
我好自然咁hi返佢, 再問: 「妳係咪識我架?」
個女仔話: 「個個都咁問既... 同一層樓, 咪打個招呼囉...」
原來係咁!
「係喎, 同一層架...」
既然講左野, 就要繼續講: 「其實呢度唔係我屋企。」
佢話: 「都唔緊要架。」
咁我就問佢邊個單位, 個單位嚮左定右... 哈哈...
再問佢有冇見過個bb女, 話果個係我姪女... 嘻嘻。
好在呢個係女仔, 而我相信佢應該唔係騙徒黎既。
係男人既話, hi完就算~
如果遇到騙徒, 等我想下個情景先:
(1) 騙徒會得到你既信任之後知道你住邊 (但係今次係我自己問佢住邊.. =口=")
(2) 騙徒進一步了解你屋企有咩人 (但今次我竟然自己講左出黎)
(3) 騙徒進一步會了解你姓咩, 然後就可以有好多類似「猜猜我是誰」咁既野可以發生...
又其實, 可能佢只係一個好友善既人。
昨晚同呀媽一齊返屋企, 搭lift有個男仔拎住好多野但都幫我地開返部lift~
係咪世界上真係仲有好人好事架呢?
:)
好人有既.
燒餅話我又想多左...
相信我呀媽都會話我太大疑心la~
哈哈。