年度話題作夠爆 心悠Chilam鬥演技
2012/10/15 08:42:11 網誌分類: 娛樂
葉念琛的年度話題作總令人有驚喜,將上映的《天生愛情狂》說的是一段感情關係中「欺騙、佔有、嫉妒」早已荒唐地變得理所當然,找來女神劉心悠chur爆型佬張智霖,把愛情最真實一面搬上銀幕,清晰又殘酷的告訴大家,俊男美女配原是夢。 主持:黃柏高 統籌:林永匡 協力:彭燕燕、張詠森 「你有冇試過鍾意一個人?又有冇試過傷害你鍾意的人?」愛會讓人瘋狂,葉念琛的話題新作《天生愛情狂》寫實得令人發毛。 葉念琛:「不知大家有沒有印象,去年有單新聞講一位女護士跟男友分手後,仍不斷騷擾對方,最終要告上法庭出禁制令阻止女護士再接觸個男仔,那時剛巧蕭定一找我拍片,我就提出這故事和度定片名《天生愛情狂》,大家一拍即合。我覺得一段感情關係中,你鍾意一個人先會Chur佢,其他人見到可能會話『乜咁Chur嘅?』,但問心,好多人都遇過另一半好Chur,愛你先Chur你,啲人又受喎,所以在電影裏,我刻意喜劇化件事,令大家覺得有共鳴又好好笑。」 心悠演活港女 一部電影成敗取決於選角,這次葉念琛玩俊男美女配,要劉心悠Chur爆張智霖,單看牌面已夠贏。 劉心悠:「我是台灣人,說話口音不正,這次要演一個港女,感覺好榮耀,第一次穿制服演護士,感覺美好。導演說話很清晰,簡單解釋場面和要求後,便放手讓我自己發揮,我很清楚自己要做乜,好有安全感。」 張智霖:「我是一個蛋糕師傅,專幫人治療失戀痛楚,戲裏被心悠Chur到頭都暈埋,分手後仲要遭受殘忍報復,到最後才知這女人都值得愛,好在導演搵個咁可愛的女人畀我。」 葉念琛:「其實我都幾偏心女演員,特別寫了場煽情戲給心悠,還刻意把這場戲安排至煞科夜才拍,好讓她一直輕鬆拍攝,記得拍重頭戲那晚,我好嚴厲咁對心悠,亦因為她,開工前,刻意修改劇本,結果睇完試片的人都讚那場戲演得好,甚至有女觀眾感動流淚。」 Chilam放下包袱 演員埋位要懂得放下包袱,張智霖全情投入演活角色,既浪漫又癡情,十個女生九個愛,葉念琛真的有眼光。 張智霖:「心悠真係幾專業,拍親熱戲時沒有好避忌,我唯一擔心係唔知對手點諗,始終大家第一次合作,拍接吻戲如果有道閘,觀眾睇到唔知點咁,好在心悠演得好放。」 葉念琛:「那場戲劇本只係話心悠瞓醒輕吻Chilam,但一Roll機就變了強吻,感覺都幾豪放。另一場戲講心悠要懲罰Chilam飲醉酒,要佢戴個啤酒頭套在旺角街上行,一直都唔敢提出,一直試探他的底線,究竟Chilam玩唔玩得呢?直至試造型那天才拿出來,Chilam一口答應,快手把頭套戴上,我個心都定啲,到在街上拍攝時,佢更加一直戴住唔除,那時街上很多途人,他真的很專業。」 火火填詞到肉 知道甚麼是愛情嗎?葉念琛愛在電影銀幕上揭露愛情真實一面,火火則愛化成文字,《天生愛情狂》電影主題曲句句到肉。 葉念琛:「是過去的感情回憶,三部曲都係贏首歌,Paco成日話『要贏人先贏首歌!』又好啱,火火打畀我傾偈,想了解我諗乜,那次勾起我好多回憶,當年和Paco並肩作戰都出好多佳作,有些更奪金像獎金曲。」 張智霖:「很幸運地今年又再跟Paco合作,搵到一首咁好的歌畀我,火火的詞好到肉,好感動。」 |
| |
| |
多謝先能收到最快的資訊息 !