九洲發展(0908）東方日報．周維秉

九 洲 發 展 （ 0908 ） 上 周 五 宣 布 ， 有 關 擬 收 購 珠 海 賽 車 場 、 高 爾 夫 球 會 及 物 業 發 展 業 務 一 事 ， 在 訂 約 方 並 無 訂 立 具 法 律 約 束 力 之 正 式 協 議 ， 而 意 向 書 亦 無 獲 訂 約 方 進 一 步 延 展 ， 意 向 書 已 於 本 月 四 日 期 滿 終 止 ， 珠 海 市 國 資 委 已 向 九 洲 發 展 全 數 退 還 誠 意 金 7,200 萬 元 人 民 幣 連 同 利 息 。 受 呢 單 消 息 影 響 ， 九 洲 昨 日 股 價 下 跌 近 6% ， 報 收 1.26 元 。

拾 級 而 下 相 當 難 睇

不 過 ， 睇 番 九 洲 發 展 近 月 走 勢 ， 老 周 估 計 早 有 春 江 鴨 知 道 收 購 不 成 ， 股 價 早 於 上 月 廿 六 日 ， 股 價 由 1.29 元 單 日 爆 升 至 1.58 元 後 無 以 為 繼 ， 走 勢 更 級 級 落 ， 相 當 難 睇 ， 至 昨 日 發 表 通 告 ， 股 價 跌 穿 50 日 線 ， 如 此 走 勢 再 無 憧 憬 ， 走 遲 半 步 都 大 件 事 。

再 睇 番 早 些 少 ， 九 洲 炒 作 收 購 度 假 村 一 事 ， 足 足 玩 成 年 ， 其 股 價 亦 在 年 內 低 位 0.64 元 ， 炒 高 足 足 一 倍 有 凸 。 最 後 原 來 成 單 係 流 料 ， 股 東 咪 話 唔 心 傷 。

睇 完 呢 份 通 告 ， 老 周 真 係 把 幾 火 。 上 市 公 司 成 日 煲 冇 米 粥 ， 道 聽 途 說 跟 市 場 消 息 盲 目 跟 從 ， 高 位 追 入 博 收 購 注 資 ， 真 係 多 多 身 家 都 唔 夠 輸 。 集 團 於 去 年 六 月 三 十 日 訂 立 呢 份 無 法 律 約 束 力 的 意 向 書 ， 當 時 九 洲 發 展 仲 向 珠 海 市 國 資 委 畀 7,200 萬 元 人 民 幣 誠 意 金 。

公 司 當 時 講 到 呢 個 計 劃 幾 正 都 有 ， 兼 且 詳 細 說 明 發 展 計 劃 ， 包 裝 成 一 個 綜 合 性 度 假 項 目 。 資 料 話 呢 個 項 目 佔 地 17 萬 平 方 米 ， 地 積 比 率 為 0.8 倍 ， 計 劃 分 三 期 發 展 ， 包 括 主 樓 、 會 議 中 心 、 酒 店 、 別 墅 、 商 業 街 等 ， 並 表 示 會 引 入 策 略 投 資 者 合 作 發 展 。 上 個 月 市 場 仍 有 消 息 指 公 司 正 與 市 政 府 商 討 規 劃 問 題 ， 並 指 首 期 工 程 最 快 可 望 於 ○ 九 年 竣 工 。

講 到 似 層 層 ， 投 資 者 又 點 會 諗 到 埋 門 一 腳 乜 都 搞 唔 成 ， 雖 然 話 九 洲 已 獲 發 還 誠 意 金 ， 但 睇 番 之 前 的 通 告 ， 當 時 買 方 即 九 洲 ， 向 賣 方 即 珠 海 國 土 資 源 局 轄 下 組 織 ， 支 付 人 民 幣 7,800 萬 元 ， 家 陣 收 番 7,200 萬 元 ， 無 端 端 唔 見 600 萬 元 ， 呢 樣 已 諗 極 唔 明 ， 點 解 通 告 仲 話 係 本 利 歸 還 ， 又 無 詳 細 交 代 清 楚 。

有 搵 小 股 東 笨 之 嫌

九 洲 咁 樣 畀 筆 錢 出 去 又 收 番 轉 頭 ， 老 周 認 為 係 上 市 公 司 見 市 政 府 經 濟 出 現 問 題 ， 涉 嫌 借 筆 錢 畀 「 阿 公 」 渡 過 難 關 ， 似 多 過 真 係 向 其 收 購 整 個 度 假 村 項 目 ， 真 係 有 搵 股 東 笨 之 嫌 。

對 於 監 管 機 構 口 口 聲 聲 話 要 保 護 小 投 資 者 利 益 ， 但 上 市 公 司 搵 股 東 笨 的 事 件 多 不 勝 數 ， 單 係 煲 冇 米 粥 的 例 子 ， 短 短 呢 半 年 ， 已 經 十 隻 手 指 數 唔 晒 啦 。 既 然 如 此 ， 監 管 機 構 係 咪 要 做 番 多 少 ， 咪 等 上 市 公 司 為 所 欲 為 、 小 股 東 則 任 人 魚 肉 咁 悲 哀 。