髮型屋
2012/10/21 20:57:36 網誌分類: 嗜好
想當年...到左中學先開始去髮型屋; 之前都係呀媽剪既。
去開一間有個肥肥地既中年男人剪頭髮既鋪頭, 個男人基基地既, 頭髮金色~
有幾年都係去佢度剪頭髮, 直至呢個髮型師唔見左。
跟住發現另一髮型師口水更加多過茶...
去左另一間野剪頭髮, 有個基基地既瘦既髮型師剪得幾好, 但最後又唔見左。
換左個唔識細路女想點剪既大叔...
去奧海城50蚊速剪, 好開心, 因為又平又快~~ 等都唔使等添。
但好似冇焗油果d?
今日去何文田髮x舍, 真係想鬧爆呢間野!
又唔係多人, 得小貓兩三隻去整頭, 但好似得兩個洗頭既人, 得一個師傅?
於是等左一陣先有得焗油, 係洗頭仔幫我洗頭同焗既,
話25min就ok, 但之後洗完頭等既時間更長!!!!!!!!
我只想搵個人吹乾我d頭髮, 等了又等...
最後個師傅剪晒d男人既頭髮, 就走過黎, 問我想點剪,
我話: 「都冇晒時間囉, 又唔係嚮度住, 仲要搭長途車, 點剪呀? 吹下就算la。」
不過我點既係150蚊焗油,
最後收左198, 可能係材料需要錢, 都費時問點解多左48蚊。
個女仔話找返2蚊俾我, 但句多謝極冇誠意, 我拎完2蚊就走, 真係唔想連呢2蚊都冇埋。
返到屋企再洗再吹, 因為始終個人剪完男人頭髮未洗手就黎整我個頭~
好在, 焗左油係好好多, 証明焗油係有用既。
但下次考慮自己每星期日塗焗油膏、包毛巾,再拎住風筒吹自己25min...............................
咁就冇左成2個鐘..................... =.=
回應 (0)
我要發表