《等我愛你》剖析真愛 激讚森美 Sita放膽演 火火：演員只會愈做愈好！
2012/10/22 10:11:28 網誌分類: 娛樂
| 在這個光怪陸離的世代裏，男女關係隨便得讓人咋舌，「現代人好多都係飲醉玩完先決定係咪開始去了解對方，點似當年我哋撥個輪（打電話）都唔敢。」火火導演的新作《等我愛你》刻意營造80年代情懷，賣羞澀純真的愛情，鄧麗欣演巴喳妹，黃宗澤演自卑男，出神又爆笑，要特別在此恭喜火火導演，其筆下的愛情故事終於登上大銀幕，取得你我共鳴。 協力：彭燕燕、袁東亮 場地提供：喜百合（電話：26295038） 常說演員的潛質有待導演誘發出來，黃宗澤的戲路從今起有莫大變化，火火把他幻化成當年發哥在《秋天的童話》中「船頭尺」的影子。 火火：「我留意Bosco好耐，覺得佢可塑性好高，要佢扮有錢人得，扮車房仔亦得，再諗深啲，對上一個可以的就係發哥，所以角色造型上會比較草根，白色背心短褲踢拖，跟平日的他有天壤之別，記得第一日埋位，Bosco覺得額頭髮蔭太長唔襯角色，主動剪掉，那刻開始我知道佢已ready投入角色。戲中Bosco代表好多現代男人，當個女人搵錢多過你，男人就會愈來愈收埋自己，又或自卑心作祟，明明好溫柔但又永遠唔會講出口，係好典型的麻甩佬。」 森美惡鬥雙非 每個電影故事裏，男主角身邊總有個很有力的朋友，讓故事增添火花，我統稱他們「男二號」，森美在戲中演情場聖手，艷福不淺。 火火：「當Bosco角色咁內斂時，身邊就需要一個好跳脫的對手，我第一時間想起森美。」 森美：「跟火火合作8年早有默契，知佢想要乜，亦開始着意點解火火會咁寫個角色和故事，係由角色性格出發去演戲，火火安排『雙非』女友畀我，是菲律賓加非洲，仲要唔係靚嗰隻就知係想增加喜劇效果，了解角色的同時讓我想起阿諾舒華辛力加，佢有錢有面又係州長，居然同自己工人，一個墨西哥女人生仔，點解？呢個係男人嘅power，要去拯救呢個女人。」 Sita醜女夠突出 演員要成功必先懂得放下包袱，豁出去演戲，要感謝導演給陳僖儀Sita一個機會，角色醜得無人能及。 森美：「我都愕然，真係好樣衰，戴個假哨牙仲要我餵佢食燒賣，一路食個假牙就甩出嚟，又要整滴醬油喺嘴邊，但導演仲唔嗌cut由佢繼續，我諗換轉第二個已劈炮唔撈。Sita的處境跟8年前的我好似，根本唔明白咩叫演戲，火火教我們拿捏角色，讓我們容易掌握。」 火火：「我覺得演員只會愈做愈好，Sita條底線呢世都會喺我度，哈哈，安排森美同Sita一對，其實係悲劇，即係森美點解係情場聖手？佢自知的，追唔到好樣女仔就去垃圾焚化爐度搵，做垃圾情聖囉，之但係我想講，醜女唔代表心地好，當愛情要受傷害點都會受傷害。」 |
 | |
 | |
| |
 | |
 | |
 | |
| |
 | |
 | |
| |
| |
多謝 !