12月紅館發放正能量 Rubberband:我們要一起共渡難關!
2012/10/29 08:41:11 網誌分類: 娛樂
| Rubberband是屬於舞台的！出道五年，RB終於在紅館舉行演唱會《EasyConcert2012》，不需要甚麼華麗包裝，純以音樂取勝，確實夠吸引，「觀乎今天的社會，亂政讓人沮喪，只想說面對困難逆境的時候，我們都會陪你一起共渡難關，Takeiteasy！」為Jam歌玩音樂，RB特意從世界各地嚴選出色樂手上陣，誓要200%回饋觀眾，今天RB坐下來細訴他們的音樂理念，誰說香港BandSoundMusic行不通？RB就正在做給大家看。 確實讓人興奮，12月9日是Rubberband的大日子，首場紅館騷聲明三要點：沒華麗佈置，沒奪目舞衣，沒鑽級嘉賓，但Rubberband一定得！以音樂贏取共鳴。 鼓手泥鯭：「我諗好多觀眾都慣了在紅館看到好精采的視覺效果，華麗舞台、煙火效果、耀目舞衣，都有好多記者問會唔會除衫？跳Part舞，做些好特別的事？我們需要事先張揚，我們只想從音樂出發，香港現時畀人感覺好亂，希望大家放輕心情，takeeasy，我們會一起共渡難關，迷路了也有人陪着你找到出路！」 主音6號：「好多細節未落實，以音樂為主，在澳洲、美國、加拿大找到班好出色的樂手一齊玩，螢光衫、劃眼線、塗甲油等，都不是Rubberband的，我們會忠於自己，唔會有古怪誇張異服！演唱會主題Easy是想將『艱難』形象化，海報設計有種抽象的『亂』，舞台則想玩upsidedown的感覺，比如是將整個香港倒轉來玩，啲樓由上面吊落，感覺逆轉，也有可能是播首A歌intro就唱B歌，總之係估你唔到那種。」 新曲+精選 玩音樂，Rubberband玩得出神，演唱會一手包辦，雷頌德任顧問，開騷前夕更推出精選大碟，務求讓你我一起重溫RB的作品，單是聽到這裏，已知道是次演唱會根本無得輸。 主音6號：「這張精選碟就當是給大家溫書，我知好多人話買唔到《APOLLO18》，所以會抽多幾首作品放落去，亦會收錄演唱會主題曲，但仍未有中文名，大意是wearetogether，是集合11個單位去製作，如小肥、衛蘭、小胡等，但因大家屬不同唱片公司，錄音時已很難就檔期，希望演唱會時能抽到時間一起上台玩。」 鼓手泥鯭：「我都希望可以好似上次咁，跑落台跟觀眾一起玩拉龍，講明那絕非握手位，係企落台同大家一起聽音樂玩音樂，或者跑上山頂位企在你身邊唱歌畀你聽。」 低音結他手阿偉：「今次真係有好多朋友幫手，玩音樂最緊要開心，無分你我。」 渴望走Tour 常說香港玩BandSoundMusic難，場地有限，觀眾不太投入，對樂隊來說似有遺憾，Rubberband坦言最愛SchoolTour，渴望有機會再來一次。 隊長阿正：「Rubberband主要目標係做好音樂，明年重心都是為第六張大碟作準備，香港地方有限，很難有太多outdoor騷，我們一定會享受做Tour，希望可以再來一次。」 鼓手泥鯭：「我心目中Tour係幾日唔返屋企，坐巴士穿州過省咁，一站唱完就上車去第二度唱，如果有一日可以咁就開心！」 低音結他手阿偉：「係呀，場地問題，玩得太嘈又可能會被人投訴，香港真係鍾意音樂的又唔會去酒吧，去酒吧又唔會為聽音樂。」 主音6號：「試過去台灣走Tour，唔算好大型，都玩了幾個星期，你睇盧廣仲仲有玩就知，真係好正。至於國語作品方面，正努力學習國語發音，上次多得胡培蔚老師糾正，說真的，RB過往的作品都以生活為題，想不到怎可以香港的生活去寫國語作品，直至去年在高雄遇見張芸京，她提到陳奕迅寫的是個人成長和體會，甚麼地方都可取得共鳴，好多嘢都可以以國語抒發，那一刻感覺開竅了。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
謝分享,謹祝愉快,心想事成 !