娛樂圈

娛樂圈係跟紅頂白既比面派對! 即使係有實力兼靚仔靚女, 如果冇人際關係網, 唔好妄想大紅大紫; 就算最簡單既唔憂三餐都未必做得到. 所以, 多隻香爐多隻鬼既原則底下, 出現任何重覆緊自己做既SHOW, 或有機會比人抄襲, 亦會作出無情既反撃, 甚至言語尖酸刻薄, 將對方鬧個狗血淋頭, 直到對方消失眼前為止.

古人講得一D都冇錯! 同行如敵國! 由於娛圈搵食既從業員, 早已經習慣戴住假面具對人對事, 好多時出現面和心不和, 表裡各走極端既情形, 實在令人感到寒心. 偽君子真小人, 何嘗唔係極端化對立人物? 點解做人做得咁假? 邊個叫你叫我叫佢做得咁假? 睇表面好享受, 其實內心又會唔會享受? 呢個真係天曉得啦!