就快聖誕

時近聖誕, 加上新款家電同平板電腦/手機既湧現, 所以用報紙黎刊登促銷廣告既比例日漸增多. 一年有幾個節日都係生意佬既黃金檔期, 所謂密食當三番, 成年食粥食飯; 有冇人工加, 都要睇促銷銷情做頭! 做生意梗望銷量上升, 如果唔係就要扎住D資金, 套唔到現, 年尾既時候, 你都米話唔頭痕, 因為年關難過.

聖誕過後, 就係新曆同農曆年相繼殺到, 用錢既地方好多! 尤其係做生意既老闆, 年尾要找數, 免得將舊數拖到下一年, 真係貪好聽咩! 想流動資金快D到手, 當然係促銷現有存貨; 為左針對一班精明用家/師奶, 攪埋套餐形式黎吸引佢地. 加上市道氣氛唔係咁好, 大把人以前豪慣, 而家都要慳得就慳, 總之量入為出.