了不起

有人覺得某D人沙塵白霍時, 不期然開口講左一句:好巴閉咩? 有咩野咁了不起? 有人包括自己正在呷醋時, 都會講呢句:有咩野咁了不起? 當然, 對自己最愛錫最關注既人, 都會戙起手指公咁讚一句:叻仔, 好野, 真係了不起! 同樣呢三個字, 以唔同既心態講出黎, 有唔同既效果同埋意義! 民間俗語先至係真正了不起!

我地未有想過將呢三個字, 用標點黎隔一隔! 好似:[了, 不起]就會有另一類含意同解釋, 跟原本的呷醋或讚歎完全相反! 呢度既了, 係完成了結, 而不起就變成負擔唔黎. 或者以整體黎睇, 即係可以註釋為[要將任務徹底完成得無手尾跟, 唔係我地可以負擔得黎既艱巨任務!] 所以, 做任何事之前, 要三思而後行至得.