魔童要準備應變

魔童等左咁耐, 都未見港府對幾時發免費電視牌照有正面回應, 確實令佢擔心得有道理. 何況賣左隻生蛋既金雞, 用呢D錢投資起電視行業上面, 揼左成擔心機, 又挖左無線電視一大棚人. 如果牌照遲遲冇著落, 梗係提出司法訴訟黎討回公道. 魔童日日都係度燒銀紙, 又可以燒幾耐. 港府咁樣攪法, 真係佛都有火架.

另一面無線電視尋日以大篇幅黎插港府, 直情係兜巴星冇面比! 仲聲明亞視都係受害人之一; 睇怕魔童都唔好得去邊, 一樣係周身傷晒. 假設港府講唔掂無線, 又對發牌既態度一直曖昧, 魔童唯有作兩手準備. 一面係同無線一樣狀告港府言而無信, 誤導投資者; 一面籌辦劇集制作公司, 首先將現有存貨售賣套現應急.