(河馬仔專欄)《九龍酒店倚窗閣》午餐自助餐評論

2012/11/24 19:03:19 網誌分類: 飲食

24 Nov

『馬場樂子(妹)』(18) : 性格開朗之大頭蝦，間中也會食吓自助餐。

『馬場彩珠(姐)』(18) : 頗精於製作甜品，所以最注重甜品的部份。

『Mary CHAN』(18) : 經常會在自助餐中忽發奇想的少女，喜愛對食物攝影存記。

『司馬蓮華(姐)』(18) : 來自潮州的大學同學，性格溫柔，頗黏人。

『司馬騏綵(妹)』(18) : 司馬家的領養妹妹，小時候因車禍失去左手，但她亦向成為畫師的夢想努力，間中也會和Mary一起食自助餐。

MARY : 今次我地又講自助餐午餐啦，樂子，咁我地今日係喺邊度食呢？

樂子 : 今次我地繼續喺尖沙咀食，地點直接係地鐵站上蓋，位於半島酒店對面嘅九龍酒店倚窗閣啦。

彩珠 : 地方都好寬敞噃，平時的午飯時間都有不少人，收費亦是中等價錢。

樂子 : 而且亦好光猛，坐低之後不如去攞野食咯。

騏綵 : 好呀！

MARY : 以頭盤來計嘅話選擇都算唔少。

蓮華 : 在冷盤的選擇來說都算基本的都有，魚生及生蠔的質素就略略普通了。但反而沙律及湯就有驚喜，沙律夠凍而且一些沙律配搭頗新鮮，而湯類就以中湯最好飲，火喉幾足而且湯味好濃。

MARY : 而這個溫馨提示也很有趣呢。

司馬蓮華 --- 對頭盤之評分 :

樂子 : 而中間叫杯飲品先。

彩珠 : 飲完就到午餐嚕‧‧‧午餐有時有special dish，如今次的燕窩生滾粥。

騏綵 : 還有其他的熱盤都好好充足咧。

MARY : 大盤一環真係好多樣化，特別係有好多廚師在場內stand by做一些即製食物或者扒房嘅美食。特別一題就係佢嘅熱盤補得又多又快，而一些牛仔肉或者火腿更係片得幾大塊，燒出來更係非常嫩滑，仲有一點最好嘅就係當食客覺得太生嘅時候，廚師會幫您即時整熟少少您個塊扒，真係一個用心嘅服務來。而仲有一樣好好味道嘅就係佢地嘅咖哩非常香之外，佢地嘅薄餅更做到香酥嘅效果，而其他熱盤更好多時都有海鮮及大量蔬菜等等入饌，清清地又算多野揀而永遠夠熱，以呢個價錢就絕對值得一讚。

Mary CHAN---對大盤之評分

騏綵 : 到甜品了。

彩珠 : 仲有自選泰式冰冰。

MARY : 真係有朱古力噴泉哦。

騏綵 : 還有一些即製的crepe可麗餅，souffle蛋奶酥哦。

蓮華 : 還有自助的咖啡茶水吧呢。

彩珠 : 呢度嘅甜品真係好好，好多款甜品都好少好甜，特別最有特色就係非常清嘅杞子桂花榚，而拿破崙蛋榚嘅餅做得好鬆好脆，感覺上在自助餐中最好食嘅一種。而好多種即製的疏乎厘夠熱和輕身，感覺上意外地好。

馬場彩珠---對甜品之評分

每年一到11月，香港的賽車迷總會把目光放去澳門一年一度的大賽車。每年見到一輛又一輛的戰車在澳門之城市賽道奔馳，特別在開賽的時段總會令人血脈沸騰。

不過去到澳門，又怎會錯過各處的美食！馬場樂子、馬場彩珠、Mary CHAN、司馬蓮華和司馬騏綵五位看板娘都一起被賽車吸引外，當然也喜歡澳門的美食啦。一些小吃如杏仁餅、豬柳包、木糠布丁、馬介休球、牛肉乾、大菜榚、蛋卷等等等等更是澳門的定番食物呢。

希望大家就和五位看板娘就一樣，一邊享受食物一邊欣賞刺激的賽車大賽吧！