積德如偷

古人話: 積德如偷! 意思係做左好事, 似足聖經講既右手做既野, 唔好比左手知. 即係叫我地積陰德! 陰德就係天知地知自己知, 而係冇其他人知既善行, 就稱之為陰德啦. 由於陰德係靜靜雞咁去做, 比人既感覺同做賊偷野既情形一樣, 先至叫做積德如偷. 不過, 呢種捨己為人既精神, 唔係人人都願意做無名英雄架.

雖然話係咁話唔比人知, 但係雞春咁密都生雞仔. 好事壞事, 善事惡事, 係人既立場梗係好既揚唔好既收收埋埋; 係個天既立場就好壞都揚開去. 好既事令人有效法之心; 唔好既事令人有警剔唔好做唔好犯既效果. 所以, 我地真係萬事都唔可以同個天鬥, 唯有改自己既陋習脾氣, 只要係真改, 一定皇天不負苦心人既!