(河馬仔專欄)感恩節餐@嘉頓餐廳

2012/12/02 00:52:57 網誌分類: 飲食

02 Dec

文章代筆 : 馬場樂子

慶祝感恩節一向以來在美國或者加拿大都好受重視，不過美國和加拿大的感恩節日子唔一樣。美國就係11月第4個星期四，加拿大就係10月第2個星期一，呢個節日由以前傳統演變到現在，一路以來都係北美定番嘅重要節日，而現在就更有接近必有嘅感恩節購物大減價等等之現象呢。

至於係香港慶祝感恩節嘅普遍程度唔係咁普遍，不過有一些餐廳都有慶祝嘅SET MENU，今次講番有定期舉辦開感恩節餐嘅嘉頓餐廳。

仲記得上年我地已經講過呢間餐廳，而今次就主力講下今次嘅感恩節餐有乜野食嚕。

帶子南瓜忌廉湯，雖然入面用嘅帶子係細細粒，不過湯係幾濃而且加上一些泡泡有少少落雪感覺。

而講開又講點解感恩節同火雞咁有關係呢？當歐洲人到達美國之時，當時火雞已在當地被馴化而且廣受當地及海外之歐洲人歡迎之外，亦代替當時較缺的鴨類家禽。而當時清教徒也會和印第安人一起慶祝的。

而烤火雞內會塞滿配料，加上蔓越莓果醬，火腿，肉汁薯蓉及蔬菜等等一起佐食，而今次的大餐都係一樣，加上一些麵包粒及栗子等等，稍嫌火雞肉略燒得不夠香，但火腿就的確蜜味幾足的。