驟雨（１）
美股周三跌完，昨日再跌，解釋係澳洲有兩隻對沖基金又因為次按貨款出事，結果歐洲股市大跌完，美國開始又跌....股民都好擔心個市會借勢大插。
網友s2000話買匯豐，撞正美股下跌，擔心會「百佳」，聽到呢個講法，陸羽仁都好奇怪，皆因現在買得匯豐，點睇都屬於穩陣派，雖然話匯豐即使係跟美國跌咗1、2個%，但同其他股到興烚烚的股仔比，買佢已經駛咗入避風塘啦!
網友Kathleen提過，匯豐月底公布業績，但陸羽仁留意到按過去經驗，十年有九年都會偷步炒上，今年竟然例外，事前好多大行股匯豐中期因為有出售倫敦總部，帶來一次大筆收益，令上半年有靚靚增長，股價一樣郁都唔郁，跟住中東大戶幫手出口術，話支持分拆亞洲業務，都一樣好似拉牛上樹，現在謎底揭開，証明醒目資金又走在消息之前，不過，中東班豪客購物，應該做足功夫，咁都被人過一戙，証明股市幾時都係一山還有一山高。
網友Larry話:「睇黎聽日真係重唔落返一次大雨??是否應先減持股票呢???唉......灰......會較像正常調整定係大跌市(1000,2000點)??」呢個問題，相信係好多股民都想知答案，陸羽仁覺得，今次呢場係驟雨，來得會好急，雨勢會好大，如果你話跌1000,2000點係大跌市，無人可以排除這個機會，正如早前講，大市上２３０００點，再上２５０００點的機會，肯定細過落返２１０００點，但要補充一句係，近日個市其實一早應該調整，但幾次回落幅度，都比「應該」出現的跌幅為低，呢個水平大戶沽貨，仍然係啖啖肉，所以個市跌成點，要睇資金係唔係會大量回防美國。
有網友一早留意到近日出現日圓強、美股跌的情況，現在睇番有人話係carry trade拆倉，同呢個現象一齊發生口既係所謂flight for quality，即係資金由高風險資產流向穩陣的優質資產。今次觸發跌市的，係兩隻澳洲次按基金，這些基金借平錢追求高回報，結果損手，呢個情形同以往每次對沖基金出事的模式都一樣，對沖基金要賺到盡，投資經理一如亡命車手衝向懸崖，邊個最早停車就邊個輸，直至最後有人跌落懸崖，早前美國有次按基金出事，跟住到澳洲，但他們都只係二打六的散仔，同以前LTCM相差好遠，相信未必能夠令到美國聯邦儲備局減息挽救，係環境未曾穩定下，傳統大基金會流向國庫券等穩陣資產，即係話驟雨未必會好快停晒。
昨晚大跌市，陸羽仁接到老友電話，話覺得好開心，因為終於有機會令大家冷靜一下，等公司班員工有番小小意識，明白個市不會日日升，記得做好自己份工。
而家個市同以前唔同，以前港股只受美股影響，但現在中美兩國因素，幾乎已平分秋色，大陸經濟好勁，紅籌下個月又準備回歸，都算係美國次按負面因素以外的利好刺激，可以任大戶用來舞高弄低大市。根據過去經驗，逢親跌市，又係大戶同散戶對著幹的日子，陸羽仁最怕聽到的，就係散戶唔識驚，若然今日大家去茶餐廳飲下午茶，又或者俾擦鞋仔擦鞋個陣，聽到佢教你博反彈，咁你就要加倍小心，如果無人敢博反彈，反而就可以放心小小囉!
陸羽仁
政 府 提 醒 返 家 路 程 偏 遠 、 轉 折 或 居 住 離 島 的 市 民 ， 現 應 啟 程 回 家 。 政 府 已 通 知 屬 下 此 類 員 工 下 班 。
教 育 局 宣 佈 : 所 有 學 校 今 日 停 課 。 學 校 應 實 施 應 變 措 施 ， 確 保 學 生 安 全 ， 並 在 安 全 情 況 下 ， 安 排 學 生 返 家 。
陸sir
小妹買了中壽認股証4852兩萬股8月20號到期，認購價$24.880換股價$32.288
2628現股價$32.200 假若正股五日收巿平均價$32.500，小妹可得回金額多少。
Charlie 兄, 水滴石穿, 大頭仔
今天看到三位的幾段對話, 令我再多一點明白 A/H 市場和買賣的取向。小弟不是武裝激進份子, 唔落場打唔得果種, 剛啱有了 BB 就更要小心投資了。朋友介紹我睇 Luk Sir Blog 因而令我投資時謹慎了。由於在這裏的師兄/姐們經常都有回覆其他新手的問題, 所以我也不再重覆發問, 不過好老實講, 每天要看畢所有 posts, 真的很花時間, 如果可以點擊個別網友的名字就可看到他們在當天的 posts, 可以方便好多, 有時想回看眾師兄/姐以往的 posts 真係好難攪, 所以很多時放條魚在我的 posts, 師兄/姐多數回覆得很快, 睇到自己條魚, 就可以快 D 揾到師兄/姐們給我的回覆。 Have a very nice weekend.
BNP給予高寶綠色「買入」評級，目標價7.36元
2007年7月27日 05:04:53 p.m. HKT, AAFN
BNP百富勤發表報告，予高寶綠色「買入」評級，目標價7.36元。
BNP表示，高寶綠色輪胎轉化燃料項目獲內地及其他102個國家專利，將帶動盈利增長；此外該公司可能分拆高增長的化妝品業務。
有無咁激，目標價7.36元
#2628 中人籌的
1、 業績預告期間：2007 年1 月1 日至2007 年6 月30 日
2、 業績預告情況：同比大幅上升
本公司按照中華人民共和國財政部2006 年頒布的《企業會計準則》對2007 年中期的財務數據進行了初步測算，預計2007年中期淨利潤較2006年同期增長100％以上，具體財務數據將在公司2007 年半年度報告中進行詳細披露。
水滴石穿:
剛看到一條消息, 中共十七大會在十月十八日召開。憑我的政治觸角, 十月十八日之前, 一切太平無事。內地股市會照常升, 4,300 點並不可怕, 4,500 點很快會到。北京並不怕股市升, 而擔心經濟過熱!
魚仔
4300點樓上買A股基金？佩服！也許你對．
Charlie 兄, Pasu 兄
Thank you very much for the advices. 小弟剛買了 JF 中國先驅基金。 我連 H股 都睇唔掂, 比基金幫我買 A股 勝算會高 D。
Charlie 兄仍看好大陸, 我也有同感, 就當係撐吓 A 股囉 ! 今天入了 東亞銀行 (023), 希望唔好下星期大插插, 佢 8月 都公佈業績啦, 聞說業績合哂格, 所以同 D 同事夾份買。
Pasu 兄, 其實你幾熟銀行嘢。又多一條北水流入嚟, H股 中有邊幾隻股會成為新寵呢 ? 今日須然係落大雨, 但係好多好股都唔係跌得多。
我都有635 & 637 ,
635我都覺得佢會上番1.2以上,
637等8月公報業績才算!!
yogie ,
as you said " I believe that its price still has a long way to go. "
I absolutely agree with your opinio..
so , it's the one of long team share in my investment portfolio..^^
good luck all ..!!!
Kit,Rebecca:我唔係驚^^"衹係想睇吓有冇人陪啫...感覺舒服啲...ooOO
#2000唔賺我唔走...坐咗咁耐>_
亞k: 我會幫你報,咬番8079兩啖先走~~
oscar chow: 我估基金應該由0.8x至1.4x之間開始大量收集,理應可以食糊(如果唔貪).不過暫時未見有明顯派貨feel. 如果佢地唔貪,我覺得會係$3.5附近開始派,唔難察覺,佢地咁辛苦炒隻野上來,唔會急放,跌得太急,佢地無咩肉食.
不過諗番轉頭,910其實係非常難得既炒作材料,概念合附國策,環保,木材資源實際上真係短缺,價格上升.仲好似話二氧化碳有quota都可以賣錢(聽住先).
最重要佢個業績真係呃到好多人,轉型唔夠兩年已賺大錢(賺面11.x億).其實要砌份咁既業績出來,唔係話砌就砌咁容易(eg中國木業,同其他變身雞股都虧虧地).另外仲不停擴大收構,化咁多周章,佢地應該係食大茶飯既人.咁好既材料食果一兩番太浪費了.
我估910係極終一跌前會有終極一升,高潮就係成為一隻100%林木資源股.用咩藉口呢? 我估就係將佢既非核心既成衣業務出售(我係154北發學番黎),呢樣咁筍野,大戶無可能會唔識用,不過中途會有幾次大震倉唔出奇.係6月初果次就比佢震走左一半貨,如果唔,利記呢次失誤唔會放係心上
以上全靠估, 無咩實質依據,信1成好啦.
小慧 ,
2888 was in a rising trend since March, then in a consolidation stage within a $20 odd range after hitting new high of $27x. This will be my core holding and I intend to hold it for quite a while. So its volatility of $20 does not bother me at all. Hope it will make new high after results announcement in August and I believe that its price still has a long way to go.
Kit, Siukingkin
我沒你們厲害 - 只有 #637及#2000,hehe(說笑)
但這两天也重傷 - 蒸發了40K。現在歐洲企穩，希望下星期反彈些
jbc,
我都有#2000呀,
水滴石穿:
北京 "大人" 會越來越明白, 用打 "小孩子" 的方法是越來越行不通的了! 中國要真正地走向市場經濟, 不能不給 "小孩子" 們在股市中打滾的了!! 大中小企業不能在這個資本市場集資的話 (即給老百姓當老闆), 中國的經濟是很難有持續性發展的。"大人" 已經知道自己不能走回頭路了, 要想點好的辦法了。 我是很有信心的, 內地的股市只會越來越健康, 不會越來越糟的!!!
世界在進步, 中國在進步, 內地股市在進步, 網友們投資/投機股市在進步, 一定要有 "變通" 的思想, 不變是不會通的。
又: 建議你可以研究一下 #168 青島啤酒。
大家有冇康健(8138)呀
我有8138同安踏wor
SiuKingKin
你仲有咁多貨?我呢2天清左七成貨，等暴風雨來臨，到時再掃貨，
仲有8月日本議息，呢場雨應該未完。
大家還在這篇聊...驟雨2 出左喇..趕快去看吧...
Oscar
Charlie
政府漏過底，我就驚炒上太快，4000點上下2、300點炒上落都無問題，突破4500就可能有問題。不是阿爺想出招，是小孩有恃無恐太過頑劣到逼大人出手。
jbc
又係我仲有晨訊(2000)，不過得10000股，
其實呢隻真係唔使咁擔心，佢有實際盈利，又有來梗3G炒，
唔怕唔怕。
PS:手上得返三隻股彩星(635)、晨訊(2000)、利記(635)，除左利記都俾人問過有冇貨?呵呵
水滴石穿:
中央的宏觀調控的新政策並不是要股市死的, 主要是針對過熱的經濟發展! 我認為影響股市的程度是有限的和暫時性的。北京政府是怕的是老百姓不安寧, 現在的內地股市牽連著成千上萬的老百姓, 我不相信會有太多和太重的打壓措施出台。我對內地股市是樂觀的, 至少到二零一零年! 你恐懼是因為是在短炒, 十分注重大市的升跌, 我不恐懼是因為長抓, 不理大市的升和跌, "升" -- 我沒有過份高興, "跌" -- 我沒有不開心。 你恐懼, 是因為想買又想賣, 我不恐懼, 是因為升市我不買不賣, 跌市我也是不買不賣。
Yogie,
中國經濟的持續發展, 人民幣會不斷升值, 資金的過剩, 全世界的投資者 / 投機者都去中國...... 香港人不能直接買內地樓宇和 A 股, 就只有買人民幣資產的 H 股了!
kanas，我有彩星呀！
jbc，我有#2000呀！
各位好,我係新手,一路留意緊個市,亦係度睇下大家留言學下野...
前排朋友叫我留意下隻0487,點知呢排真係係咁升,中有股評人唱好,d人話而家呢個位都有望再升,有無人有睇法?
IYY
無入貨，等2888不到价。日本大選、期指結算、匯丰業績等等大事接踵而來，着急買/賣都是賭大細，50/50還輸了手續費。
IYY ：今日有放貨。無買貨。呢個月的利潤嘔番晒出來>.
貓兄 : 多謝忠告。剛才忘了一個號碼 #991, 可否再給我看看?
亞K : 今日忙個賊死, 一回來已經收市, 駭見恆指唔見6百幾點。除了637依然敗家外, 其他持有之股票仍在不敗之地。我打算由現在開始到8月中會放50%的貨, 持足夠現金後, 待跌市買入心儀股票如 #5, 2888, 991, 857 等 (夢想中 .......
........)。關於復星, 請加點信心, 我都等緊 $15, 一齊努力 ! 關於 #5, 我信貓兄, 它會尋底。在英國已跌破900便士, 要不是英鎊偏強, 可能已見你的目標價$138 lu .....
嫣嫣, Winnie, Ki, 水滴石穿兄 : 你們今日有買貨嗎 ?
各位:
晨訊科技 (2000) 有強烈的向上意欲. 下星期對2000好重要.
yogie ,
你有無覺得# 2888 成日都大上大落咁架？
我買左之後覺得呢隻股個波幅都幾大下囉~~
我第一注是在 3月15日買入既！
Charlie
A股一高，我也有週五恐懼症，今天A股沒有大漲甚好。現在一邊日元引起的歐美市場動蕩尚未結束，如果另外一邊阿爺再次打壓股市瘋癲，港股就要一瀉千里了。
5明
陸羽仁topic又話驟雨 but at the end又話becareful其實佢叫人點姐
姐係入貨定觀察呀
Charlie,
In your view what is the reasonable entry price for 2828 ?
kanas,
看來內地股民的 "星期五恐懼症" 開始傳染給香港股民了!?
kanas
我都仲有60000股彩星(635)未走，
呢2天見佢一開市都跌得好金，尾市又抽返，全日成交又唔係好大，
唔似大戶派貨，我估有莊家操作，所以應該會上返@1.25以上，
(以上純粹一個新手的看法)
所以我等@1.25走。
亞K,
我認為穩陣點, 可以學水滴石穿的做法, 買入一籃子H股, 即 H股指數股 #2828。妳可以再忍一下, 密切留意大氣候 (主要是日幣的 Carry Trade) 和 H股的走勢, 待 #2828 趨於近期跌至的合理價時, 分段買入。如果對內地經濟有信心的話, #2828 可以抓長一點時間的。太過頻密的買入賣出, 自己獲利不多, 證券商卻賺得不少。不然, 還是買證券商的股票吧! 我持有 A 股的中信證券。
小慧 ,
"不過呢注已是我的第二注，
第一注 @ 210元"
We are in the same boat. My entry prices with 2888 are same as yours. $25x for 400 shares today as my second lot !
Good luck to all 2888 fans !
thx 貓兄
Ki, 彩星集團 (0635)不太清楚,
Sj, 中國國航 (0753) 此浪完結, 上海電氣 (2727) 不太清楚,橫行多
REBECCA, 渝港國際 (0613) ,橫行多
紫紅豆, 香港建設（控股） (0190) 此浪完結,
Kit, 創新能源 (0702) 橫行向下多, 中建科技國際 (0261)橫行多
註: 本人沒持有以上股票, 我是跟大戶影子買賣的小抄手, 與陸sir的基本分析, 完全不同.
flyinthesky2007,
唔知係咪我敏感, 雖然歷史可能唔會簡單重複, 但可以作一個參考, 上1次升勢林大(910) 3月大調整前個半月有1支大成交的陰燭...今次升勢在6月頭又有1支大成交的陰燭 (咁o岩又係個半月前!?)..... 上次升勢大約4個幾月, 今次升勢已經3個月....還有上次林大(910)大調整是跟恆指一齊調, 今天不知道會不會是大調整的開始...一齊看大市....加上照計數PE又高, 既然在今天觸及止賺位沽了貨, 大市又位高勢危...值搏率太低, 投機輸面太大, 理性上再升都唔應該入貨, 希望自己鬥得過自己的「貪婪」....
Oscar
Charlie： H股隻隻都高，但只跌得３－４％，入唔到貨.
我留意緊2888,2628,272,1800,386,945,857,941,347,2727全部跌唔到我的射程，你覺得有邊隻可留意, 忍忍中. 亞K
網上唱2362同620都會上到五毫，各位點睇
貓兄，
請問你覺得創新能源(702)和中建科技(261)走向會如何?
thx
亞K .
如果#2888再跌既話..我都會再買入，不過呢注已是我的第二注，
第一注 @ 210元
今日有幾隻心儀已久的股票真係有衝動想入貨,不過今天係星期五,來緊週未及星期一結算...所以乜都冇買乜都冇沽...靜觀其變,monday 再算...
Charlie
Thanks for your remind. Although I know it may be misleading to set a target price, I guess 14,000 is a possible target for H-index. Will see if have chance to buy #2828 below $125 or lowerer.
亞K
FTSE rebounds 0.85% now, not sure whether we have such chance this time or not. Let's wish a more heavy rain next Monday and a strong rebound in Mid-August.