當年電視大戰

以前有佳視搶閘出頭, 攪出三間電視台鼎足而立, 彼此連場好戲, 睇到班觀眾拍爛手掌大叫過癮! 因為佳視既曇花一現, 再有麗的千帆並舉, 打到無線[輪流轉]要腰斬劇集, 改由汪亞姊同謝老四主演既[千王之王]頂上打埋身戰. 如此一來, 又係龍爭虎鬥! 爭在未有兩部電視機係屋企, 唯有無線睇一陣, 麗的又睇一陣.

世界係不斷進步既; 見證左地球都係日以繼夜咁運作; 唔理你高唔高興, [該如何便如何]係千古不變既定理! 無線惡左將近五十年, 係時候要思進退, 讓位於賢啦. 難得港府多發幾間免費電視頻道, 無線有咩野理由反對? 點解唔豁達D看成有人幫無線開分台? 人地重金禮聘無線人馬, 都只因為睇得你起至有咁強硬出招.

~~待續