軟着陸 - 第22話
精誠所至,金石為開。也許這句話是對的。但有沒有想過很多時候奇蹟的發生其實是一早有人安排好呢?
你想追求的女孩子,在你邀約了七十九次後終於應承和你上街,是你的恒心感動了她?為甚麼是第七十九次?而不是第七十八次或第八十次呢?有沒有想過在你行動背後,已經有人為你寫下劇本?
不過就算是演戲,也要投入感情,戲才會演得好,演得真。
這本死亡筆記的特點就是雖然寫在上面的事情都會一一實現,但當中主角必須全情投入故事的世界,用發自內心的真感情去催動命運之輪朝向既定的方向前進。這個設定無疑比日本人發明的死亡筆記更加人性化。
「你咁隨隨便便掟個銀出去,一啲感情貫注都無,點會中呀!」黄啓發翻開死亡筆記。
阿添默唸著對白,原來黄啓發要他在韓雪面前說出一段無比肉麻的示愛說話。
「小姐,雖然我哋素未謀面,但係我願意將我的一切向妳奉獻。為表我的誠意,我全副身家只剩低呢個銀仔,我要用我對妳最真誠的愛意來感動上天,將呢個銀仔擲中紅磚,為妳送上The One bear bear熊!」阿添顫抖著說完這番從未想過會出自自己口中的情話,閉上眼,擲出硬幣。
韓雪那雙又大又圓的眼睛盯著硬幣在半空畫出的拋物線。
空氣瞬間疑住了。硬幣朝紅磚飛去,這一擲可真的超準,硬幣降落,還有1mm就要觸及紅磚面。
太準的落點意味硬幣將會彈離紅磚!魔法失效了嗎?
但……硬幣竟奇蹟地在紅磚面上軟着陸!硬幣的質地竟在接觸紅磚面的瞬間軟化成綿綿的狀態,將所有衝擊力吸收,化於無形。
韓雪看儍了眼,看熱鬧的人原來已經把遊戲攤位團團圍住,大家都為這神奇的一刻歡呼!
「恭喜哂……你中咗大獎,呢隻bear bear 熊係你嘅……」韓雪紅著臉,遞上bear bear 熊。
阿添腦裡面一片空白,黃啓發推了他一把。
「我……送俾……妳!」阿添結結巴巴。
韓雪低着頭,臉蛋兒紅得火熱,周圍的人就好似收了錢替人造勢一樣合力大叫大嚷,「收咗佢,收咗佢,收咗佢......」
黃啓發不禁為自已泡製的浪漫場面而感動。但這是個美麗愛情故事的開始嗎?不!絕對不是!因為一個是天煞孤星,一個是準枉死人,一定沒有好下場的,嘿嘿嘿,等著他們體驗的恐怖經歷將會把他們的靈魂完全震飛、輾碎……哈哈哈! (待續)
to Ballball,
我寫長篇, 當知道有人追看真係好開心!如果每位來看的都肯留言, 無論是彈是讚我都會好高興!!! Thank you for your support!!!!!
奇芬, 而家變咗小芬女啦, 其實一路都有追開, 仲好忠實添, 你每個字, 博友的每個回應我都唔錯過, 因為大家簡直係創意無限!
因為追開篇篇都係懸疑恐怖, 突然嚟咗篇荔園愛情萌芽篇, 老土兼抵死, 真服咗你! 努力呀, 支持你!
C小姐....其實....其實......
無野lu,
~逃]]]]
C小姐=艾理斯??
個髮夾, 我鍾意呀! 我用呢幅圖做banner, 阿月會唔會告我侵權先?
終於有d野驚嚇過下面個堆公仔!!!
↑呢位小姐突開口頭:「點解你要送bear bear比我既?唔通你…」
哈哈哈,好老土的對白!不過參考尋日有篇講甚麼十句示愛的對白,呢個準繩率有9x%的!
C小姐的回應:你成副身家得個銀仔你就番歸啦
咁都得?個銀仔會變軟,神奇。
《本相》小說又寫返祈薰la,有興趣去睇睇
Ballball
你是覺得好睇還是唔好睇呀?Anyway, thanks for your visit la!