以情攞命

情之為物, 最後係攞你條命?? 係愛得自私? 抑或係唔識咩野係愛? 抑或係從來冇愛過? 如果有愛過, 又點會忍心令對方傷心? 更唔會殘害對方以及連條命都攞埋! 如果係冇愛過, 有咩野資格要求對方點做點做? 何況仲嬲到殺埋對方? 如果係自私, 咁點可以稱得上係愛? 就算勉強係埋一齊過人世, 相信日子唔會好過囉!

係[情之為物]定係[情之遺物]? 初戀既人會謹小慎微, 驚左唔小心會攪到分手收場! 熱戀既人會諸多要求, 以為認定左拖友身份就可以發施號令, 鍾意點就點! 久戀既人會欣賞平淡, 所有激情歲月, 到最後只係為左搵到另一半做人世; 既然搵到, 又何必多作無謂要求? 當自己死左, 都希望會有好既回憶留比對方懷念.