鷹哥都有今日啦

廣府話講得好: 剃人頭既, 始終會比人剃番轉頭! 真可謂風水輪流轉, 一D都唔比面! 從新聞片段重播, 係今屆特首選舉期間, 鷹哥係咁糟質棠哥有關僭建問題, 仲講到大義凜然; 仲講到棠哥成為十惡不赦既罪犯, 邊有資格登上特首寶座; 仲邊有面黎面對七百萬全港市民! 講既人真係中氣十足, 聽既人就差D耳都聾.

時至今日, 棠哥喱埋掩住半邊咀笑到碌地! 當日鷹哥既意氣風發, 槍槍到肉, 句句邀心. 情況雖然惡劣, 總算係不幸中之大幸; 因為係單對單比武形式. 而家鷹哥就慘過張無忌係光明頂獨戰群雄. 慘在事不離實, 自己犯左棠哥同一毛病---->僭建! 由事件被揭發之後, 仲諸多逃避問而不答, 有咩野辦法班議員唔會扯火?