琴師伴奏片段_1

其實邊有學咩野樂理ar? 個陣時人工又唔多, 個個月清袋! 只不過自己除左唱歌, 買書買CD外, 都無任何不良嗜好, 先至自給自足夠使. 至於丹田氣囉喎, 學過下太極拳, 知道收腹練拳, 吸一口氣後, 有咁慢得咁慢呼出. 就係咁, 練下練下, 先至知道咩野叫做丹田. 對於跟拍子, 可能係聽CD時留意原唱者學番黎咋.

講實一句, 如果真係琴師口中講自己唱得咁好, 當年就參加清吧舉辦既歌唱比賽啦! 既然冇參加, 即係自己本黎就唱得唔好! 只不過琴師唔想得罪左客唔再幫襯, 先至講埋呢D又客氣又唔使本錢既門面說話. 今日想下想下, 而家既卡拉OK真係冇琴師伴奏咁好玩. 客人點歌, 琴師即刻起key, 你話佢地既功力有幾犀利?

~~完