2013

2013/01/02 01:15:58 網誌分類: 未分類
02 Jan

 

一年將盡,除夕跟幾位朋友去喝一杯。明明很冷,但其中一名女子衣衫單薄,我們笑她太愛美,她非常搞笑話,我覺熱啊,以前係hot stuff而家係hot flush!此語一出,笑到我們翻倒。也只是她這樣的鬼婆 (以前是鬼妹仔) 才會說出這樣坦率的話。她是中西葡混血兒,懂廣東話但不會是利君雅般的純正,都仍是歪歪的音,不正統,但我們聽慣了。醫生也說,更年期不只女性,男性都一樣會不舒服。

 

畢竟一斑朋友,都一齊長大,一齊老去了。又有一個朋友過身,四十多的iBanker,身家豐厚,但仍每天忙十多小時,obsessed with work,夢想創立自己的hedge fund,終於在工作檯上昏倒,去了,猝死。

 

我們舉杯,為他默哀,然後toast to good health,希望大家努力,吃得清淡些,但運動就要做多些。做人,最緊要有健康。 

新年第一天見banker朋友,馬上取經,其中一位愛儲磚頭,手上有七個接近供滿的單位;另外一位竟然只存現金,不過是外幣。他說,你轉人民幣啦,我說,已經好高喎,他說,香港銀行都有三厘,我們看今年有2%升幅,一年5%好好啦。另一位早已退隱江湖,只管理自己的財富,他今年會同太太過加拿大陪兒子讀書,兒子升中學。他在香港有兩個單位,在加拿大又買入了townhouse他會買個TV box給太太好讓她看到不同節目,自己就日夜顛倒看市。他從不買賣正股,只獨沽一味買賣期權。太深奧,我不會明白。

 

富有的人真多,我暗自盤算,他們的資產有幾千萬,都是靠自己實力賺的。當然,席間也有沒買入物業,一路只租屋住,或只有自住物業的專業人士。也不是每一位都能把握買磚頭機會致富。

 

席間有位工程師,長年在壓力下工作,愁眉苦臉,今次見他,竟發現他愛上烹飪,用來減壓。他還開心的對我說,下次整甜品給我吃。看見脫胎換骨的他,令我領略精神上的快樂也非常重要。也有壞消息,有舊同事的女婿,服了抑鬱藥十年,最近想生B要轉藥,但卻不適應,自殺死了,很是可惜。報章沒有報導此事,可見自殺的人太多,多到連報紙都選擇唔報。

各位這裡的朋友,也讓我們toast to good health,大家珍惜健康,珍惜時光,珍惜家人。Wishing you a healthy, happy and prosperous 2013!

回應 (61)
我要發表
Persie
Persie 2013/01/19 09:35:04 回覆

chanreborn:真是一輪的驚心動魄,心裡在想,攻極無功而還,難道又被什麼米祖Graham KO ? 見到球隊努力不懈,最後終能贏波,我真係好開心。

 

I like the way Giroud play although he might not have scored a lot of goals. When his time comes his way he will be scoring.  Wilshere shows leadership. 

And latest news - Theo Walcott has signed a new three-and-a-half year, £100,000-a-week contract with Arsenal.

chanreborn
chanreborn 2013/01/18 20:30:51 回覆

persie , I watched the match live and so relieved to see a late goal like that.

 Next away to Chelsea , then West Ham next wednesday so lets hope they can play more consistently to get max. 6 points !!

Persie
Persie 2013/01/17 05:35:41 回覆

Abundant chances but all wasted!!! Finally Jack Wilshere scored at 86'. He has a superb game, 不枉他的10號球衣。FA Cup game Final score Arsenal 1-0 Swansea.

But it didn't really have to be this difficult.

慳妹
慳妹 2013/01/15 22:48:33 回覆

舅父仔:海怡租金追唔上樓價。 沽家賣點係兩至三年後有地鐵到,所以樓價已包含當中的溢價,但另一方面又因為現在沒有地鐵所以租金不能叫得太高;加上不是名校網就更加蝕章。 你睇九龍城啲冇電梯嘅唐樓咁值錢,好多人搶住買都係為攞嗰地址幫子女報名校! 估計海怡租金隨著地鐵的興建在未來幾年會漸漸追返上嚟。

既然話要互相扶持,冇理由一個住東一個住西咁得意,退而求其次都應該有選擇,相信總會找到完滿的辦法。  不過正如你所講,過去一段長時間三房單位供應不足出現斷層,令到這類型樓宇的價錢高踞不下,不是三朝兩日可以解決;有時真的不明白,被彭定康讚譽為世界最優秀的香港公務員在政府做決策時不覺得如何英明神武,但一離職轉入商界就脫胎換骨,變了另一個人,睇吓陳祖澤幫郭氏兄弟攪路訊通就真係經典代表作!

Persie
Persie 2013/01/13 21:40:36 回覆

主席:海怡租值不高,就算1100'都係三萬蚊倒。九百尺更可能只有$25k,仲要看埋有沒有裝修。

 

soho:好多謝你的關心,我完全明白,九百萬的房子我一個人供唔起,要兩個人一齊才可以。四成首期要四百萬才夠,仲可能要執裝修,係一個好大的決定。我曾用五百萬買入海怡,再加按搞野輸曬,到單位現值$12.5m (原來$11.5的是第二期要行得比較入的兩座),如果我再用九百萬買入新單位,多年後它又貶值到四百萬的話,我真係只有死路一條。所以我每早都用冷水淋下頭,警醒自己。

 

如果觀塘區真有新暖水泳池,位置又離我家不遠,我覺得換成同屋苑三房單位也可以。但兩個人住我希望有三房兩廁,保留大家一些私人空間,不過好普通沒有景的單位都要七百幾萬,心想再加多百多萬將來可以住海怡,又覺得是值得。當然最想樓價回塘,但政府成日推小單位,所以大單位跌價較慢,只好期望加息,但等到何時?

 

十多年後終於從一個爛攤子走出,沒有組織家庭,怕累人累己,什麼都沒有做,到今天環境好像可以,就有好多想法,想著不如老來互相扶持,一個病左都有另一格照顧,但自己經濟能力又不是很夠。要不,各自在自己的窩終老,也可以,你在你愛住的區域我住我愛住的區域,就各自住好了。但原來在三十歲,四十歲同六七十歲係有好大分別,不同時代有不同需要,不是我不去想就可以。

 

可惜今日經紀提醒我,7-10m的樓,銀行最高只會借六成 ($5.4m for a 9m apartment) $5m (ceiling),以低者為準。如果我買9m的樓,我只可借到$5m,自己要付4m,再加0.5m雜費,真的要second thought。我相信我買樓的計劃已經暫時告吹。 

今日看了多個藍灣半島單位,沒地鐵,但很貴。地方其實不錯,但我看得樓盤太多,也沒覺得特別好,不過最後看的一個,樓層7/F,但其實是屋苑的第一層,一入去我覺得驚喜,馬上喜愛,但不好的地方係主人房不是正中,呈三角形,以及如香港區向海的單位一樣是向北。樓價 (asking price) $9.3M,建築面積1042 sq ft,七成實用,但感覺上比海怡的1109”要少一點。是個吉盤,所以我在裡面流連良久。

Persie
Persie 2013/01/13 21:38:19 回覆

小蜜蜂,好高興見到你!你好嗎?是不是好喜歡蜜生送的禮物?我估蜜生昨晚買左熱刺贏,但最後熱刺和左蜜生冇錢收,不過我相信蜜生吃過清甜的生果會開心番晒,畢竟熱刺失左兩分,很好!小蜜蜂要繼續支持蜜生,給他打氣啊! 

蕃茄:感情絕對要灌溉,你深明個中道理呢!祝福你們夫婦倆永遠幸福快樂!

soho*
soho* 2013/01/13 00:01:44 回覆

Persie, 如果我有$3.6M現金做首期買樓作收租用途, 將來打算用來做養老居所, 我也不敢在現階段買一間$9M的單位, 如果一定要買, 我寧願買一間$5~7M的單位來收租, 將來退休想住大屋就沽出兩個單位來換一間大的

想當年我以百多萬賣去兩房舊居, 換入一間二百多萬的三房單位, 當時親友都唔贊成, 話樓價貴, 但我話樓換樓風險不大, 額外增加的樓按供款亦不多, 堅持去馬, 現時樓價值$5.5M, 既賺了住亦賺了樓價升值

你的情況唔同, 不是樓換樓, 風險大好多, 樓市有周期, 聽講每十年八年就有一大跌, 我冇睇數據來印證這說法的真確性, 但買新樓後就要負債五百多萬, 這壓力你真的能承受嗎? 萬一你份工保不住, 樓宇供款會感吃力嗎? 雖然有租金補貼, 但世事無絕對, 也要慎防有變

以你現時的資產, 其實立刻退休也不愁生活, 但再買樓就乜都唔同晒, 要突然背上五百多萬樓按的大包袱, 還有很多雜費

蜜生/蜜太, 剛剛睇完翡翠台做 [ 十分熹祥 ], 林子祥唱 [ 每一個晚上 ], 片段有陳百強.黃家駒.鄧麗君.梅艷芳.羅文.張國榮......令人唏噓, 真的十分懷念他們

珍惜眼前人, 你倆真的做到了, 恭喜! 恭喜!

蕃茄, 做你的妻子真幸福

慳妹
慳妹 2013/01/12 22:59:53 回覆

舅父仔:海怡九百萬,如果俾四成,借六成,以利率 2.35 計做 15 年,月供約三萬六,每月租金是否可以應付供款還是需要補貼?

慳妹
慳妹 2013/01/12 22:50:16 回覆

小蜜蜂;好耐冇見,話咁快你同蜜生就結婚兩週年,但睇嚟你哋仍然好似新婚一樣咁甜蜜,恭喜恭喜。

chanreborn
chanreborn 2013/01/12 22:31:29 回覆

Dear 各位Blog友,

我系小蜜蜂.. {#icono_72}久違啦...被折左翅膀既小蜜蜂今日翻牆過黎探大家啦!!!哈哈...

天氣凍Zzz....我同蜜生都做左宅男女,靜雞雞話妳地知,其實系蜜生要喺賽馬會揾著數!點知賠了夫人又折兵... {#icono_71} {#iconb_67}佢有點失落 {#iconb_45},坐左系度唔出聲,爲左蜜生心身健康, {#icono0_28}剝個梅縣沙田柚送到佢口邊氹番佢.

呢度好Warm...闊別多時,估唔到馬仔同主席仲記得我同蜜生既結婚日子,感動ing....多謝!!! {#icono_16}

Persie ,Thanks for your nice blessing.系啊..話都無甘快就兩年啦,最緊要珍惜眼前人!活在當下。 {#icono0_10}

多謝蕃茄既祝福,仲多你謝袋錢落蜜生既袋...!嘿嘿...俾個你 {#icono0_45}哈...點解?因爲你推翻左婚姻系愛情既墳墓呢句說話,結婚宜,維系難.你地甘識經營你地既婚姻...我梗系要俾個 {#icono0_45}你啦...實至名歸,呵呵....蜜生都好有心思,因爲佢有俾surprise俾我嘎!好開心!!!

好啦...交番個場俾蜜生先...下次再同大家傾計啦!翻番過去先...哎呀!!!

祝各位新年身體健康!萬事如意!

蕃茄
蕃茄 2013/01/12 11:27:24 回覆

Chanreborn,

結婚週年快樂, 切記珍惜身邊人, 我覺得一段關係要長久而美滿, 最重要係雙方都要時不時站在對方立場設想吓, 我都仍在學習中.

我巳結婚十六年了,  仍會在情人節周圍搵吓, 送D不同款式嘅朱古力比太太,等佢開心吓.. {#icons_cat1}

做老闆同打工真係好唔同, 我做左間公司嘅小小股東年多, 雖然股份小小, 但在計及公司營運效益, 控制成本上, 也感受到壓力比以往剩係打份工時增加了, chanreborn, 努力.

Persie
Persie 2013/01/11 11:13:15 回覆

chanreborn, happy anniversary! 真係話咁快就兩年!

chanreborn
chanreborn 2013/01/11 02:40:49 回覆

馬仔 , yes .. time flies and still remembered the exact details of the wedding day in my mind... {#icono0_18}

Chairman , thanks your kind words.. I will go back to Shenzhen to see Little bee tomo , it's not easy being a good husband but will try  my best to keep her happy. Need to buy a present tomo afternoon... {#icono0_28}

慳妹
慳妹 2013/01/10 23:00:55 回覆

chanreborn: 創業不容易,因為我亦有這方面的經驗,希望你能夠成功找到立腳點,大展鴻圖。

Happy anniversary to you and Little Bee!

幪面馬仔
幪面馬仔 2013/01/10 21:59:06 回覆

chanreborn明天是否你們的結婚紀念日

chanreborn
chanreborn 2013/01/10 16:18:01 回覆

蕃茄 , thanks yr blessing . Actually I started to develop own biz since last september but being one man band so it's not easy to get all the old clients back.. But my logics is lets try two years and even cannot make it alive then at least I can add such experience into my C.V. I'm not too pessimistic although my ex-collegue last time told me I was or at least I sound negative. My interpretation is I'm being realistic actually.

Persie , pls keep posting your story which is very attactive indeed. Bradford and Swansea both beat Arsenal this season now having a good chance to reach the final of League Cup.  Being a bit naive , this team is not too bad but not best enough to win anything ?

 

 

 

2013/01/10 06:00:29 回覆

有時想太多也無用, 好多事無法預測.... 加油啦~~~ {#icons_cat1}

Persie
Persie 2013/01/10 01:24:35 回覆

不用我說,大家都知美斯破紀錄四次連奪金球獎,即世界足球先生,熱烈恭賀他! 

美斯套polka dots tux調皮有特色,讚!

Persie
Persie 2013/01/10 01:20:27 回覆

pplo:我覺得你份工絕對是全職,只是僱主擾亂,企圖逃避給與僱員福利,真可惡!不過見你開開心心,自得其樂過生活,很好。

Persie
Persie 2013/01/10 01:06:54 回覆

又去看了幾個樓盤。基本上我會rule out將軍澳,因為地區非常密集。除了大家都知道的堆填區,聽說還會有污水處理廠,既然不十分喜歡個地區,就索性不再考慮。不過天晉2的五十個1200’ 大單位已轉瞬沽清。是別人傻還是我傻?

 

也去過朋友在藍灣半島的單位看,大單位觀景開揚,但地點是有些隔涉。再去看一些叫做八百尺但實用六百多尺的單位,要七百多萬架,但內裡好細,業主越多裝修越局束。會所很好,泳池也好,這是我會bear in mind的優點。

 

重返海怡,點滴在心頭,但仍然是有feel的屋苑。我最喜歡三期,但對海出面有個蜆殼油站,曾經有發展商有興趣買那片小土地但要改土地用途,結果失敗而作罷。他日,會否可以改?如果好貴買了海景但之後被另一層樓擋住,是會非常沒趣的。二期的樓皇,千一尺叫價千三萬。終於看埋四期山景的九百多尺,實用七百多尺的單位,或者可以還價到九百萬。單位很好,雖然鑽石廳挺討厭的,但很spacious,很舒服。心中交戰。

 

我們心中的打算,係先付出四成首期把單位買下,然後出租幫補供樓。Theoretically speaking他日我們兩個人各自把自己的單位夾埋。比如我有個5.2m單位,夾埋伴侶一個4m單位,不就夠9m嗎?就算層樓跌價,只要是自住,只要不想著要賣出,跌或升也沒關係,是不是如此的邏輯?問題係這層樓我想五或十年後才遷入。到時候,不知我們兩個人各自的單位夾埋是否還值9m如果跌了好多,我們便要補一舊錢,就會影響了退休計劃。暫時出租的單位,會否遇到失意的人在裡面燒炭,上吊或跳樓?心中總想著種種可怕的可能性。腦交戰。

 

我們看到有個海怡單位低市價幾十萬成交,問代理,他說,我們不能欺騙客人,個單位有人燒炭,但救出來時未斷氣,在醫院才過身,所以不算凶宅,但燒過炭的單位,是有影響,而業主也想趁市旺時把層樓甩手。 

我以前類似的單位,成交價11.5m

Persie
Persie 2013/01/10 01:06:14 回覆

蕃茄:看到你寫向我學習,感動到我吖,我如何值得你學習?今年我都會是一貫穩陣,不過GF提我今年會充滿希望,所以我可能都會任性的的多,哈哈。

Persie
Persie 2013/01/09 08:18:50 回覆

主席:所謂比較,只是因為和朋友同背景,教育程度,當然他們畢業於港大,是有所不同,其實並不是同level其中數位,小時候是住公屋,只是覺得它們好叻,相對自己就不及了。 

 

嘩,好彩寫出來的第二天已走所有頁岩氣股份,唔通真的見光死?朋友在吸入另一隻,老規矩,唔寫出來!

慳妹
慳妹 2013/01/08 22:24:14 回覆

各位:簡單來說,只要風險管理得好,投資有合理回報就是成功的投資;我們既不可能每次都摸底入貨,亦不可能每次都最高價出貨,更不必要和他人比較,對嗎?

2013/01/08 18:44:06 回覆

Persie :你好,我只有一份兼職,只是返工時間較散,多勞多得,但就沒有褔利,收入微薄,不過我好喜歡工作,能從工作中找到樂趣,自得其樂。我其實唔識炒股,在這一兩年才開始跟 soho 及大家學習,利用工餘時間,把一部份出入希望能賺個差價。

Persie
Persie 2013/01/07 07:54:30 回覆

Letting Michu scored was an obvious mistake because we all knew what he can do.  However the overturning was brilliant but throwing away the win was careless, and again showed our weakness in corner/dead ball defending.

 

FA Cup - Swansea 2 vs 2 Arsenal

Replay, sigh. 

預備返工啦,遲D傾。

Persie
Persie 2013/01/07 07:50:21 回覆

李聯廣兄,多謝您!您的說話令我感覺好舒服。其實如果不同別人比較,我自己的生計是可以。投資方面也穩打穩紮,不算好差,但人比人,就比死人。 

我都唔信會打仗,因為影響真會好大,誰真會想打仗?

Persie
Persie 2013/01/07 07:49:51 回覆

李聯廣兄,全對啊!1990年荷蘭三劍俠趾高氣揚出戰世界杯結果慘敗,最後捧杯嘅係德國三劍俠。1994美國世界杯,球場溫度達40度,熱到班球員中暑滯,結果鬥射12碼巴西贏意大利。勉強解釋係南美球員會較適應炎熱天氣,於是數據上,在北中南美主辦的世界杯,都會由南美球隊捧杯。

蕃茄
蕃茄 2013/01/06 22:46:17 回覆

Persie,

我同意李聯廣所講, 我都覺得你呢一,兩年投資成績明顯進步左, 可能你終於找到一種和你性格佩合到的投資策略? 我相信不同性格的人會適合有不同的投資方法/方向.

我在2011年,個組合蝕左超過十萬,皆因心太雄, 組合中重進攻, 偏向所謂增長股而欠防守性, 反思下,向你學習, 在組合中加入一定比重的,可在波動市況中有防守性的收息股票. 2012年回報o.k., 你回望覺得無重注頁岩氣股票有d走寶, 但坦白講, 我地對呢種能源/呢個行業認識有幾深? 小注去投機是控制風險的一種好方法, 亦比較適合我地呢d偏向保守的投資人士.

Chanreborn, 你返緊新工? 祝你新一年大展拳腳, 步步高升. {#icons_cat1}

soho*
soho* 2013/01/06 22:09:18 回覆

原來一個二個網友都係辛苦命, 但仍能在百忙中抽空炒股, 好犀利

緣仁, 你有正職.兼職, 還有副業炒股, 一心三用, 勁!

剛去完祖國巡視業務, 今日在酒樓午膳, 咦))) 做乜靜蠅蠅, 人客咁少既? 捉個經理出黎審下, 噢))) 原來中國元旦假期 1/1, 2/1, 3/1 (周二至四) 比外圍放多左兩日, 阿爺規矩係要在周六及周日補番條數, 即係市民在周六及周日都要上班.上學

我問佢地覺得這安排如何, 佢地話唔鍾意, 因為1~3/1 放完3日元旦長假期, 4/1開工就要連續捱8日 4~11/1, 好難捱, 原來國內長假期例如黃金週都是這樣安排假期

李聯廣
李聯廣 2013/01/06 15:23:44 回覆

馬仔:你有對也有錯,應該是1994年美國主辦的世界盃,決賽是意大利對巴西,雙方0比0打和,要以互射12碼分勝負,巴治奧射第5輪,就在這重要時刻射失,成為千古罪人(其實就算巴治奧冇射失意大利仍好大機會會輸,因為巴西只要第5輪射入仍可勝4比3),結果巴西在12碼中以3比2勝出,第四次捧盃。若有錯誤,Persie請你指正。

幪面馬仔
幪面馬仔 2013/01/06 14:24:02 回覆

舅父仔

唔好意思勾起你的傷心事,巴治奧當年射失那球是否1990?美國世界杯?

李聯廣
李聯廣 2013/01/06 11:28:23 回覆

Persie, 新年好,其實我覺得你投資的成績也不錯,不要只看別人的成績,要知道風險與收益是對稱的,穩健地小賺也不錯。

中日會為釣魚島打仗?相信機會相當微。其實中國根本已將釣島拱手相讓,在釣島已在日本實際控制管理之下,只口頭上宣稱擁有主權,沒有採取任何行動,仍然主張什麼擱置爭議,等如默認日本的侵佔行為。你看中國政府怎樣打壓國內保釣行動便可見一斑(特區政府亦有樣學樣)。今次純粹日本太不識相,將釣島收購國有化使中國下不了台,才會有較主動的主權宣示行動。美國方面更加不想中日開戰影響其經濟復甦,最後關頭時美國定會對日本施壓,美日安保條約說出來都是想震懾中國而已。

小打則有可能發生,因為兩軍相持時始終都有機會擦槍走火,但對股市的影響可能還低於美國暫解決財政懸崖後還需訂定的削減開支、債務上限及停QE等方案。

PS 暫時還未見出動解放軍及自衛隊,到時再驚都未遲。

Persie
Persie 2013/01/06 04:14:46 回覆

唔記得講埋,仲有個friend,他關心國情,每天都收看「今日關注」這個節目。他對我們說,中日一定會為釣魚島打仗 (再作出詳盡解釋,including美日安保條例,我都唔太明白,所以不能寫番出來)我話,唔似會喎,打仗好大件事架,有邊個想真打?他說,唔係,係一定會,仲會在2013年內,會係一場小規模的仗,你地小心自己的股票。 

你們相信這個說法嗎?

Persie
Persie 2013/01/06 03:48:54 回覆

江湖傳聞,阿先奴會先後借出/offload Chamakh, Djourou, SquillaciArshavin,然後簽巴塞David Villa,又話想買入蘭尼。老老實實,簽Villa就算啦,買蘭尼就不必了,當然買他是頂將會離去的Walcott,但我怕saiD錢。

Persie
Persie 2013/01/06 03:42:08 回覆

浪子,巴亞一加盟車仔就有波入啦!

 

曼聯眼看FA下馬,雲佩斯又做救世者90+1幫曼聯攀平。 

我真係好掛念他,不過他走是對,良禽擇木而棲 (拿拿拿,唔係話他是禽獸)

雲佩斯真係好鬼fit,不能讓他有半個機會。今屆他的右腳又再精進,已不需要一定用左腳才有信心,個波他一攞一射,盡顯功架;個長傳係傑斯交出,同樣出色。

{#robinvanpersiemanutdceleb20130105_576x324.jpg}

2013/01/05 19:26:44 回覆

車仔肯買人, 好難炒佢架. 買Ba已經無得頂啦!!!!

現在開始儲AETF,希望不是太遲。唔遲, 我都係剛剛先買2822, 遲d掃埋3188添 {#icons_cat2}

開始換d823去2388.

Persie
Persie 2013/01/05 13:18:36 回覆

浪子,我地一於聯手炒左架車!

 

A friendly rivalry: The rise of Bale and Walcott

原來Walcott and Bale從少相識,長大於Southampton青年軍!今屆一齊在英超大放異彩,好感動!

Persie
Persie 2013/01/05 13:17:45 回覆

ka ka:新一年事事順利,恭喜恭喜!  

pplo:看來你的工作頗辛苦,為何會是一份兼職?難道你還有正職?總之事事小心,多加保重!

我覺得你買賣股票真的叻左好多,叻過我好多啊!

Persie
Persie 2013/01/05 13:15:13 回覆

蕃茄:新年好!我都有不斷monitor住幾隻燃氣股,但每次看都覺得它們好高,跟住它們就繼續升高,好彩隻中華煤氣都可以。我今次選的頁岩氣股是安東油田。安東費甸南我就識,安東油田就真係認識唔深,不過見到一位好踏實的人都可以重重押注,我才跟一跟。 

我買股要吽好耐才會賺,等到頭髮都白埋!現在開始儲AETF,希望不是太遲。

蕃茄
蕃茄 2013/01/04 23:29:19 回覆

Hello,

大家新年好, 希望大家今年都可以在股海順利淘金^-^

我第一次睇到頁岩氣呢樣嘢係大約6,7個月前喺信報阿畢老林個專欄睇到嘅, 個時佢都講左兩,三日呢種近年在美國急速興起嘅潔淨能源,同解釋有關提煉技術, 但當時都唔知頁岩氣係咩,  就唔敢落注. 不過年頭都買左些少燃氣股,至今回報都不錯.

2013/01/04 23:14:35 回覆

Persie :你真會開玩笑,我雖然返兼職,但一個星期要返六日,好多時要一早返,間中中午又要返工,今個星期一早上返返工,中下午又要返工到晚上,放工已倦到死 (還要頸痛-因早一日睡覺時落枕),十點多便上床睡,星期二上午返工至下午差不多六點,日日都要返幾個鐘,工作地方又大風又凍 (但是在室內),這兩日我眼紅紅,流鼻水,回家就好 d,我在股票上只是執少許,還要經常坐艇,好彩我只買大大隻有質素的,坐下都有息幫補下

要睡了,各位早抖

2013/01/04 11:03:17 回覆

persie,摩令!

學 bobo 話齋:心好,好日來!

我係牛牛辛苦命,唔洗指意日日都是好日,但有已經好滿足!

捱咗二個月,瘦咗幾磅,唔洗幫襯 DR 就可瘦身,嘻嘻!有啦!

好彩新姐姐幾聽話又醒目,我用咗新計,多勞多得,勤力工作表現好每個月就有多一仟元人工再加花紅,依條計好有用。

舊姐姐康復已出院,當一個人患過重病方知健康好,亦知我對她不錯,工作表現勝以前。

所以我暫時可鬆一口氣,咪煮咗靚牛靚豬飲紅酒與一家齊齊迎新年,但太高興了飲咗一大杯咪瞓足二年囉!

有覺好瞓真是一件十分幸福的事!感恩!

中年唔可以太痩,太痩個樣會好殘,心情靚多咗飯局,所以可以大吃大喝大睡肥番二磅又要感恩了!

2013/01/04 05:34:56 回覆

hahahaha 這十六年來,從未在新年頭被熱刺騎住,好唔慣啊!咁你要開始習慣同適應下啦~~~ {#icons_cat2} 大家都要努力!!!!!

係囉夜校夜麻麻黑mung mung,真係對學校非常冇feel!!!!! 最慘係放工放假都要返去做project, 趕頭趕命, 一D都唔enjoy~~~~

Persie
Persie 2013/01/04 01:41:08 回覆

cashin,好老實說,如果不是摯友提點,我也一定失諸交臂。

 

新年最喜歡見到你,cashin,有好多$

2013/01/04 01:22:15 回覆

頁岩氣板塊我都失之交臂 , Sigh!

Persie
Persie 2013/01/04 00:50:16 回覆

我之前提過一個friend,他在前年幫我賺左十萬元。他買股票好得意,係精心研究一兩隻,買入再等待,然後擇日收割。在貼頁岩氣文章前,這位朋友告訴我他今年重槌出擊的時間出現左。他向我推介左幾隻股票,我選左自己較熟悉的一隻,但我只是買左少少。我朋友係一個板塊的買,而且是買得很重。不過他有一個條件,就是叫我不要貼博文。後來我在報紙見到,我話,報紙都有啦,他說,既然有,即係大家都知,都唔洗你貼添啦,所以我只貼博文,沒有講這幾隻股票,亦因此我如此有信心今年的回報,因為我見這隻股票的回報很好。

 

我當日選的股票已經升左近一倍。我見朋友都逐步放緊才敢寫出來。我都放左一半。

 

我這位朋友,中學畢業學歷,沒有考任何會計試,在一間大公司做會計文員,每天朝九晚八或者更晚,聽上司伊伊哦哦,勤力過隻牛,終於兒子在澳洲大學畢業,他又供甩物業(現值$9m),就遞信離職,找尋有趣的嘢做。他先去間樓上音響店,我找他就像無間道的場景,後來他做的嘢更得意,不過未得他同意,我不說出來了。之前大美人的先生也對他們這盤生意感興趣話想合股,但他想買起整盤生意,我朋友同拍檔當然唔想賣,所以合作拉倒。我好少見他,甚至好少一起食飯,有時見面是在公園或茶餐廳,但我地係交淺言深的朋友,我好羨慕他的努力,專注力,真性情,有限度的率性,我覺得他比我快樂得多。 

如果我夠膽孤注一擲五十萬在這投資,我會賺了一個開,但我不敢,所以賺得少。溜走了的機會,永遠最好。

Persie
Persie 2013/01/04 00:40:31 回覆

浪子師弟:Happy New Year,新年進步!這十六年來,從未在新年頭被熱刺騎住,好唔慣啊!我要振翅高飛! 

上次同你講起我先記得自己都在理工讀過兩年夜校,但夜麻麻黑mung mung,真係對學校非常冇feel,甚至校園都唔係太認得!

Persie
Persie 2013/01/04 00:39:12 回覆

ka ka,你過年時終於可以大吃大喝大睡,有冇肥左又靚左啊?

 

說起來,家姐開一個好好的中醫,以前她好似諸事不順,常有小毛病,但現在身體好好!

 

 

Persie
Persie 2013/01/04 00:38:29 回覆

GF兄:多謝你!有什麼投資大計,記住同我們分享啊!我也祝福你來年一家人快樂健康,仔仔活潑可愛!

 

天佑,sohocashin,多謝你們。

 

pplo,一D都唔遲,你梗係太多買賣要做,賺大錢,所以較忙,係咪?

 

主席,你好!新年進步,身體健康!

 

chanreborn, I hope Wenger enjoys his challenges too @@ 

All blogmates, wishing you all the best in 2013!

chanreborn
chanreborn 2013/01/04 00:02:02 回覆

chairman , many thanks yr blessing , i will enjoy all the coming challenges in 2013 ..!!! {#icono0_1}

瀏覽更多回應 正在載入...
user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。