傳統爸媽

爸爸好大男人。

爸爸話以前已對我地好好, 但我地作為小朋友, 一哭就罵, 又打~

雖然當時好流行打仔, 學校亦流行打學生...

但咁既環境長大, 我變得好怕事~

爸爸重男輕女, 佢對我媽更成日用d貶低既言語,

佢唔介意我媽唔打扮, 因為佢對自己冇信心? 佢覺得所有打扮左既人都會走左去?

爸爸話讀書時期亦唔可以打扮,

於是我初中到高中都只係一個鄉下妹...

市面上好多好識打扮既人, 層粉抹左之後, 哇, 嚇死人。

自問五官端正, 都算靚咁, 但一個乞丐樣... 直到19歲果年。

我開始嘗試唔同風格既打扮,

我爸爸已經理唔到我。

我媽仍然唔係咁打扮, 越唔學越唔識,

我二哥就話不如唔打扮, 但我唔會俾我呀媽放棄,

因為我呀媽擺明係一個好靚既女人, 後生時成個周海媚咁,

我敢話我媽靚過周海媚~

今日爸媽去飲宴, 我好想幫呀媽化個靚妝,

等d多野講既親戚笑唔到佢。

希望我可以用專業既手, 用我幫呀媽化既妝, 令我爸爸有少少憾動,

憾動唔係感動, 係好似地陷咁, 受到大打擊~~

始終我會搬出去住,

到時希望爸爸學會珍惜我呀媽,

因為呢個咁靚既女人同佢一齊30幾年, 都任勞任怨, 做家務做到冇時間打扮,

佢d時間唔應該咁用(用晒嚮老公同仔女同孫女度), 應該更靚咁用~