PACO名人會
PACO名人會
PACO名人會

重演《古惑仔》 梁烈唯壓力大 沈震軒好興奮

2013/01/07 08:42:45 網誌分類: 娛樂
07 Jan
        電影《古惑仔》由漫畫改編而成,在90年代期間,氣勢一時無兩,更掀起一股黑幫電影的瘋潮。踏入2013年,這部15年前的經典電影將以新面貌重出江湖,《古惑仔:江湖新秩序》亦會大換血。當年由陳小春和吳鎮宇飾演的山雞和o靚坤,今次分別由梁烈唯和沈震軒擔任,對他們來說真是一個大挑戰。梁烈唯坦言:「初期開工真係好大壓力,唔想似小春。」沈震軒則接着說:「因為無睇過舊版本,拍時壓力唔係特別大,反而有啲興奮。」

        角色處理

        今次的故事,講述大天二的表妹被o靚坤手下輪姦至死,於是他聯同陳浩南、山雞和包皮為她報仇。o靚坤為了面子,誓要把陳浩南煎皮拆骨,以洩心頭之恨。四人為了應付o靚坤的處處追迫,投身大佬B旗下。一段江湖恩怨,隨即展開。究竟山雞和o靚坤這個經典角色去到梁烈唯和沈震軒手上,他們會怎樣處理?

        沈震軒:我做o靚坤,係周星馳《喜劇之王》裏面講嘅大反派,係佢哋幾個兄弟嘅天敵,我喪盡天良,做盡壞事,洪興裏面個大佬蔣天生我又殺埋,欺師滅祖,佢個女人我又搞埋,做晒所有衰嘢,所有女人都搞晒,所有男人都殺晒,總括嚟講我係一個壞人。

        梁烈唯:我係代表正義嘅山雞,大家都知山雞個性係點,我今次處理山雞呢個角色,將我自己本身嘅特質加咗落去,一個加強版情緒化的山雞,開心時好開心,突然間又可以好嬲,好少嘢令佢覺得好好笑,好少嘢又令佢覺得好嬲,跟住要爆人樽,都幾憤世㗎!

        無形壓力

        電影有一系列的故事,當年由鄭伊健、陳小春和吳鎮宇等演出,真的很深入民心,如今要重新演繹,對梁烈唯和沈震軒必構成壓力。為了不想做別人的影子,梁烈唯加入自己的特質,做出不一樣的山雞;反而沈震軒用自己的方法演繹,給人與眾不同的感覺。

        梁烈唯:其實一知道有呢件事時壓力係有,知道自己演山雞壓力仲大,好彩唔係演陳浩南咋。記得初期開工時真係好大壓力,唔想似小春,後尾諗通咗,其實都唔會似,小春本身有佢自己一個好特別嘅Character喺度,我都有我自己本身嘅特質喺度,雖然演同一個角色,但出嚟嘅感覺唔會好類似,當然山雞嘅味道會喺番度。

        沈震軒:我好啲嘅,因為我無睇過舊版本,所以拍時壓力唔係特別大,反而有啲興奮,因為我知呢個係一啲好經典嘅角色,同埋套戲係一套好經典嘅電影,因為我由細到大鍾意嘅嘢都好奇怪,唔係咁鍾意男仔嘢,即係江湖片、黑社會電影,我好少睇,初初鍾意睇啲小品嘢,所以拍呢套片時興奮多過壓力。

        難忘鏡頭

        王晶、文雋今次製作此片,拍攝進度相當快,只拍了18日,結局更拍了兩個。由於全片以暴力、粗口掛帥,更有不少性愛鏡頭,香港已列為三級電影,尺度之大,對於拍開電視劇的梁烈唯和沈震軒來說,都是一個新嘗試,更有不少場面令兩人非常難忘。

        梁烈唯:難忘鏡頭有好多,如果要我揀一場,就係我哋幾兄弟包括浩南、包皮同大天二喺大排檔嗰場,當時o靚坤啲o靚走嚟想突襲我哋;嗰次嘅動作設計我同Philip(伍允龍)喺回家途上傾過,設計咗一個比較特別嘅爆樽方式,但我唔會講出嚟,如果大家想知點樣爆樽爆得咁靚,就一定要去睇,因為嗰場戲真係好好睇。

        沈震軒:我自己就鍾意火燒嗰場,即係我最尾死嗰場,幾難忘,因為係補拍嚟,原先拍咗第一個Ending,大家睇完後想個Ending再刺激啲同再完美啲,所以隔咗一段時間再去拍,其實對我嚟講有少少難度,因為我幾易抽離,一抽離咗我就唔記得點做,我好驚同之前演繹嘅方法唔同咗。

主持:黃柏高
統籌:林永匡
協力:袁東亮、李佩儀
場地提供:漁民火鍋雞煲專門店(電話:24479902)
 
■Paco預祝電影成功,梁烈唯和沈震軒(右)更可以再創經典。
■Paco預祝電影成功,梁烈唯和沈震軒(右)更可以再創經典。
■梁烈唯(右)與羅仲謙因拍劇合作多次,所以今次做浩南和山雞特別有默契。
■梁烈唯(右)與羅仲謙因拍劇合作多次,所以今次做浩南和山雞特別有默契。
■梁烈唯(左)和沈震軒談及拍攝過程,均表現雀躍。
■梁烈唯(左)和沈震軒談及拍攝過程,均表現雀躍。
 
■當年由鄭伊健領軍的古惑仔以黑衫上陣,今次卻反傳統來個全白色。
■當年由鄭伊健領軍的古惑仔以黑衫上陣,今次卻反傳統來個全白色。
■梁烈唯在片中會與莊思敏談情,他形容一高一矮的配搭都幾搞笑。
■梁烈唯在片中會與莊思敏談情,他形容一高一矮的配搭都幾搞笑。
■沈震軒透露,首個結局是劏肚爆腸而死,但第二次是被火燒死。
■沈震軒透露,首個結局是劏肚爆腸而死,但第二次是被火燒死。
 
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.