超時空歷史劇_2

故事有保皇黨; 有批皇黨; 有精忠有愚忠; 有負責有卸責; 有直人有小人; 有忠臣有奸臣; 有陽謀有陰謀! 如果編導演三方面可以就以上既枝節黎進行審度劇本, 論成功既有好成功; 論失敗既就真好失敗! 加上歷史劇集既對白要文言化, 冇咁上下既國學根底; 唔識相關既文風詩詞, 好難寫出恰如其份既對白令人信服.

而家呢類天馬行空既劇集, 不外走勾心鬥角; 或輕鬆胡鬧既路線; 黎配合係一年當中邊個季節推出! 冇理由係大年大節播出死人血腥暴力既戲架? 亦冇理由係暑假既合家歡時間播出勾心鬥角, 陰謀論掛帥既劇集架? 唔怕比家庭觀眾投訴咩? 特別係宮幃劇, 套套爭風呷醋; 觀眾唔食梅都成口酸啦! 何況超現實劇集呢?

~~完