患難見真情

[患難見真情]! 講得好聽! 真係講得好好聽! 依程度而言, 有親既或者仲可以共下患難; 冇親既都唔該借歪唔好阻住地球轉! 更何況, 有親既千祈唔好有份分身家, 否則一面兩行眼淚, 內心寸土必爭咁激死親人, 何必做到咁假? 難在只得親人揸權揸勢而自己冇得揸? 咁既患難法, 你患埋我個一份都得啦! 同錢有仇咩?

真正能夠患難既人, 係同心同德既人; 係實踐中庸不偏不倚既人! 睇下個[患]字點樣寫? 係兩個中疊埋一齊同處心上! 即係話兩個人既心目中只有正直; 只有仁恕; 只有包容; 只有厚道. 待人處事不愧自己個良心, 兩個同姓或不同姓或有親或冇親既人先至可以一條心; 先至可以唔受唆擺; 先至可以唔受誘惑出賣自己.