中港搶奶粉

衣食住行要平衡  少咁一瓣好頭痕 
政府掛住管奶粉  住屋問題唔認真
樣樣加價確係慘  有錢唔使理窮人 
話之你地冇得食  懶管百上又加斤 
講得好聽日日講  講唔好聽呃市民 
一年三百六十日  唔呃呢日大新聞 
從來官字兩個口  唔知邊個放毒針 
拮到當你唔好彩  拮唔到你要還神 
呢個政府攪屎棍  冤崩爛臭臭死人