天香荳蔻_原版問題

友甲 : 你知唔知有本教人煮齋既書叫做[天香荳蔻]?
筆者 : 點解咁問?
友甲 : 我手頭上有一本, 覺得幾好, 想印D派街坊, 結下善緣?
筆者 : 你本[天香荳蔻]厚定薄架?
友甲 : 薄既!
筆者 : 咁就係啦, 你手頭上既係原版, 裡面仲有埋序文寫出書既理由添!
友甲 : 唔係噃! 我知市面有厚身版既[天香荳蔻]入面冇序文噃!
筆者 : 因為呢本書既原作者係我姓鄧既朋友, 1999年想出版, 叫我寫序文!
友甲 : 點解而家會變成咁?
筆者 : 因為有人鍾意個書名, 係[唔尊重]原創版權情形底下刪左序文!
友甲 : 哦! 咁都得?
筆者 : 仲有, 將唔係原版既內容加入去, 至有今日冇序文既厚版!
友甲 : 點證明係你地先至係原版?
筆者 : 搵番1999年訂印既記錄, 同埋印刷商都會有印象!
友甲 : 咁都唔可以當係證據噃!
筆者 : 公道自在天心, 仲係人心! 因果律會主持公道, 何必急在一時?
友甲 : 我想印, 得唔得?
筆者 : 得! 不過, 要加番原有序文, 先至對得住原版作者!
友甲 : 點解咁講?
筆者 : 人地係長齋禮佛既, 發善心將煮齋心得刊印教人, 先至可以成事.
友甲 : 而家比人盜版, 又改頭換面, 唔同晒樣, 即係白費心機?
筆者 : 唔會! 佛家有五戒! 你都識得話盜版! 無論有冇信仰, 都犯左盜戒!
友甲 : 你同你個朋友會唔會嬲?
筆者 : 唔會! 我同我個朋友會原諒盜版既人, 只希望再印時加翻序文咁啫!
友甲 : 哦! 我知點樣做啦! 你當時既筆名叫咩野?
筆者 : [雲中玉八王二十口]主人!
友甲 : 話, 個筆名水蛇春咁長架, 貪玩咩?
筆者 : 就係貪好玩! 先至發生後黎意想唔到既事!
友甲 : 咩野事, 講唔講得?
筆者 : 唔講啦! 不過, 你要將主人兩個刪去, 用[雲中玉八王二十口]就得啦!
友甲 : 哦, 收到!