德發集團(0928)東方日報.周維秉

2007/08/03 09:21:02 網誌分類: 問題公司.周維秉
03 Aug

文章轉貼自: 東方日報  dated 3 Aug 2007
文:周 維 秉
專欄:關人股事

 

德發股價插水有因

德 發 集 團 ( 0928 ) 上 月 底 公 布 截 至 ○ 七 年 三 月 底 止 的 會 計 年 度 業 績 , 營 業 額 按 年 增 長 17% 至 19.43 億 元 , 計 及 出 售 持 有 的 36% 的 Mudd USA 股 權 所 錄 得 的 1.14 億 元 一 次 性 特 殊 收 益 , 純 利 勁 升 137% 至 3.15 億 元 , 每 股 盈 利 為 0.176 元 。

呢 份 業 績 表 面 睇 正 到 爆 , 其 股 價 亦 因 為 呢 次 業 績 公 布 , 急 急 腳 由 1.4 元 樓 下 , 兩 個 交 易 日 勁 升 至 上 周 五 最 高 1.73 元 。 呢 個 星 期 股 價 隨 大 市 下 跌 , 至 周 三 報 收 1.5 元 。 大 市 昨 日 相 當 波 動 , 德 發 股 價 亦 跳 崖 式 下 跌 , 最 低 見 0.95 元 , 收 市 報 1 元 , 大 跌 33% , 成 為 最 大 跌 幅 的 主 板 股 。

聯 營 資 料   核 數 師 有 保 留
德 發 股 價 「 笨 豬 跳 」 , 係 因 為 發 表 一 份 關 於 延 遲 寄 發 年 報 的 通 告 。 通 告 內 容 指 , 「 董 事 會 獲 核 數 師 通 知 , 年 報 內 載 之 核 數 師 報 告 , 就 有 關 本 公 司 一 間 聯 營 公 司 Sino Legend 的 財 務 資 料 的 工 作 範 圍 有 所 保 留 。 」 尤 其 係 德 發 於 Sino Legend 的 權 益 。 按 其 業 績 公 布 披 露 , 分 佔 Sino Legend 為 數 約 2.85 億 港 元 的 資 產 淨 值 , 及 德 發 截 至 ○ 七 年 三 月 底 止 的 財 政 年 度 , 分 佔 溢 利 經 計 及 分 佔 Sino Legend 截 至 同 時 的 溢 利 為 1.14 億 港 元 後 所 致 。

德 發 核 數 師 指 要 向 負 責 Sino Legend 核 數 工 作 的 美 國 核 數 公 司 取 得 足 夠 資 料 , 才 可 以 肯 定 德 發 財 務 報 表 中 披 露 有 關 Sino Legend 財 務 資 料 , 是 否 按 香 港 財 務 準 則 公 平 呈 列 。 ( 包 括 德 發 分 佔 Sino Legend 資 產 淨 值 及 溢 利 ) 老 周 唔 明 德 發 點 解 出 業 績 成 個 星 期 , 先 至 通 知 股 東 有 關 Sino Legend 盤 數 , 香 港 個 核 數 師 未 核 得 掂 , 即 係 集 團 有 1.14 億 元 利 潤 , 實 際 有 冇 得 入 數 存 在 變 數 。

機 構 投 資 者 要 錢 唔 要 貨
呢 份 通 告 一 出 , 持 貨 的 機 構 投 資 者 昨 日 齊 齊 出 貨 , 仲 係 沽 到 要 錢 唔 要 貨 咁 款 , 唔 等 核 數 師 完 成 有 關 查 核 Sino Legend 的 財 務 資 料 先 出 貨 , 生 怕 夜 長 夢 多 。 德 發 份 業 績 係 咪 出 事 , 老 周 唔 敢 妄 下 判 斷 , 要 等 核 數 師 詳 細 報 告 才 可 作 定 論 。

不 過 , 德 發 盤 數 未 核 掂 就 公 布 業 績 , 難 免 令 人 疑 惑 。 投 資 者 選 擇 先 跳 車 , 老 周 唔 覺 得 出 奇 , 皆 因 近 年 太 多 公 司 無 端 端 盤 數 出 事 , 包 括 年 前 爆 煲 的 海 域 集 團 ( 1220 ) , 仲 有 近 日 遭 股 評 人 質 疑 , 股 價 急 跌 後 停 牌 的 聯 洲 國 際 ( 0048 )

周 維 秉

 

回應 (0)
我要發表
user