普通朋友間論股
2007/08/05 19:08:34 網誌分類: 經濟
小弟年幼..都只係20有x
市道好, 咁岩撞正一個牛市..所以身邊不少人都昂然進入股場
其中有兩個好鍾意炒股,佢地同一般散戶一樣都係397 香港體檢,76 南海石油呢D 捧場客,兩個就有一個帶頭 另一個就跟佢買,帶頭就醒目D , 跟尾個個其實乜都唔識跟佢買...
間唔中佢又有我講下股仔, 不過次次我都唔想多講, 佢地講既股 我大部份都唔知做d 乜既雞股..帶頭既好有自信同我講 每個星期都要係波幅中賺錢, 可惜我唔睇好佢..結果亦都係失敗,賺少少游水梗會有,不過唔會多..再者佢地做晒禁機黨..為乜呢??
係5月個陣 由qdii消息開始 佢地就冇好日子過..買既都跌左..
自己都間唔中同佢地講 番番穩陣,不過都係當我吹水....
可能雞股會令你一晚發達, 但唔好忘記 一個成功既背後可能有100個墊底,值唔值博?
炒股世界 同 投資世界真係唔同 講唔埋欄..
股市亦都一樣 雞股瘋狂既日子 大股 冇運行 反之亦然
所以雞股瘋狂既日子 不妨留意下跌左既優質股.
我自己揀左工商銀行同中國銀行 因為成本較平,放長線應該同2628同941 會差唔多既盈利增長,雖然冇咁多