讚促成虹橋機場合作 俞正聲暗撐唐唐
2013/03/07 08:41:19
網誌分類:
生活
| 即將接任政協主席嘅政治局常委俞正聲，昨列席港澳委員聯會，呼籲一眾政協支持特首振英哥施政嘅同時，言談中暗挺唐唐。佢舉例話，香港對內地發展貢獻大，其一係霍英東八十年興建象徵改革開放嘅白天鵝賓館，另一例子香港與上海虹橋機場達成合作協議，將香港管理經驗帶到內地，Kelly了解，當時幕後推手之一就係時任政務司司長嘅唐唐嘞。 中港關係矛盾，內地不時有網民認為香港乜都靠國家。俞正聲噚日就話，香港對內地發展有好多貢獻，他舉兩個例子，包括霍老早於八十年代投資興建嘅白天鵝賓館，呢座酒店喺內地改革開放後，最早嘅五星級酒店，促進內地旅遊業發展。另一例子，係機管局同上海機場集團簽署合作協議。 俞正聲呢番講話，微言大義。據知當年上海虹橋機場擴建，本港唔少人反應冷淡，覺得會同香港造成競爭。不過，時任政務司司長嘅唐英年出力協助，結果機管局同上海機場集團，喺○九年簽定滬港機場合作項目，由機管局託管虹橋機場東西兩個航站樓、虹橋綜合交通樞紐中心，以及商業零售設施和旅客流程區域等。此安排有助將本港機場營運同管理經驗，引進上海，提升上海機場競爭力。 俞正聲暗挺唐唐，唔知係咪因為兩人同上海都有淵源呢？本身係浙江紹興人嘅俞正聲，曾主政上海；而祖籍江蘇無錫嘅唐唐，祖父唐君遠曾任上海市政協副主席，同聲同氣，以佢係七大常委的份量，呢番話真係要嗒真啲。 KellyChu |
 | |
| |
 | |
|
回應
(0)
我要發表