君子無所不用其極_1

再者, 既然喺君子, 自然有番咁上下嘅修持修養; 雖然比唔上賢人; 亦比唔上聖人; 但比得起凡人小人仲綽綽有餘 以君子嘅地位, 用於日常待人處事, 退則獨善其身; 中則侍奉父母; 進則兼善天下, 行則輔帝祐民. 根據呢幾項原則, 凡起心動念, 一言一行都暗符天良, 絕對唔會不擇手段黎達成目的, 先至喺君子之風.

要知道, 儒家有聖.賢.君子.士.大夫呢五個級別. 成聖成賢喺好難! 但喺, 做到君子, 比下面嘅讀書人同做官嘅人, 最低限度都高上兩個級別. 同不擇手段嘅小人唔可以相提並論. 何況, 君子再勤加修養存養, 有望成為賢人; 仲點會為左世間名利權位而暗中使詐播弄陰謀? 可憐曲解左咁多年, 都喺時候要還佢個公道.

~~完