家居事故!

2013/03/16 12:48:05 網誌分類: 未分類
16 Mar

我家樓下住戶說他的浴室天花滴水,管業署來我家試水壓說我室內有水喉漏水,係要搭棚換喉。叫樓下鋪頭的師傅來看,他仲話,你呢度廿年樓才漏算好啦, 我將軍澳的工程十年樓就滲漏啦。他給我看些照片,要修理牆內的喉,所以戒開晒D磚和雲石等,新裝修來的,見到都慘。

 

星期一要動工搭棚,另兩天工程,沒得用水,真慘!唔知樓下可會來索償,師傅話他做過一些工程係要賠償給人。好彩份家居保險係朋友哥哥公司買,他說如別人索償係有得claim。明天要搬開櫃內所有雜物,在櫃內走喉,再走出外牆,室內水喉全廢掉。如果整完樓下仍漏水,就要換埋浴缸,煩爆!

 

我開始明白甚麼係犯太歲。

 

講笑遮,舊年我個煤氣熱水爐壞左,煤氣師傅話我個爐係第一手,用左廿年先壞,我覺得算係咁。他做完工程再通返水,D水全係啡色,他說,這就是你平時用的水的水質,有好多鐵鏽但平時水壓頂住所以D鏽冇流出來。可能上次整爐弄壞了水喉也說不定,因為條水喉太舊不堪一擊。

 

實情係我間屋要全面裝修,但要搬走一切入倉,再租serviced apartment一兩個月,仲要找室內設計,再自己走勻各大裝修店鋪搜羅材料交給師傅做,絕對係巨大工程。

 

不過我個iPhone好番晒,奇怪。

 

回應 (185)
我要發表
Persie
Persie 2013/04/28 03:06:05 回覆

仲以為Wigan可勝熱刺,但熱刺最後都攀平2-2了,還差些反勝呢!係幾失望但都沒辦法,凡事係應該靠自己的。

 

巴塞在美斯決陣下沒精打采,還要先落後畢爾包1-0,下半場換入美斯生猛球王仲一傳一射反先1-2,遺憾地在89分鐘又在失守,只能賽和,又錯失提前封王機會。賽後美斯難掩失望之情。

Persie
Persie 2013/04/26 05:07:05 回覆

車仔憑一個帶有負碌入球領先1:0,巴素爾都唔錯架,快上快落,臨完上半場夏沙特嘥料未能射成2:0。下半場雙方各中柱一次,Stocker and Torres。巴素爾臨尾憑帶爭議性12碼追平但車仔又絕殺成功,Luiz 罰球得手 車仔勝 2:1。

巴素爾擁躉費特拿亦是座上客。

另一邊廂費倫巴治 1:0 擊敗賓菲加。

Persie
Persie 2013/04/25 04:50:40 回覆

李聯廣,只能說最態沉的巴塞碰上最佳態的拜仁。球王都可以受傷,拉傷大腿筋不會這麼快痊癒,現在只是夾硬上陣。西班牙自2008稱霸武林,當中有好多巴塞球員,試問佳態又如何持續幾年?總有傷患的時候,巴塞大腦沙維的hamstring injury困擾多時,又係抖兩場打一場,又怎會是最佳水準?美斯沙維在接受賽后訪問亦已經認左輸,這種心態其實不對,但反映了他們的真心看法。 

梅拿推艾巴一球好離譜,艾巴本該向梅拿報復但可能梅拿太高,所以改向洛賓報仇,但換來黃牌下仗停賽,最後只是整古自己,下場或可見我們的抗癌勇士艾比度了。Gomez的入球亦是越位,但巴塞的碧基與山齊士亦涉嫌曾在禁區手球但球證沒有吹罰12碼。巴塞全面下風,輸波好合理。

Persie
Persie 2013/04/25 04:49:59 回覆

嘩,多蒙特大勝 4-1利雲度夫斯基一人入晒,摩佬面目無光。其實皇馬都博晒命想入多球作客入球,但多蒙特誓死頂住。

 

西甲黑暗兩夜,德甲光芒四射!

 

看來多蒙特將會被歐洲富豪球會全面肢解,好多球員會被挖角了。

Persie
Persie 2013/04/25 03:57:36 回覆

蕃茄:我都唔知自己以後會否沉淪,或者會都唔定架,但現在未沉就繼續睇波。

 

人在痛苦中可以做出好難想像的事。就算我沉淪到賭錢,吸毒,我都不會覺得奇怪。我希望我唔會。

 

我估哥帥簽拜仁之時亦沒料到他們會是三冠王。我未見過三冠王蟬聯咁厲害。就算改制後的歐聯蟬聯都未見過呢!最叻係曼聯08力壓車仔,09又打入總決賽但敗於巴塞。最慘可能是Valencia 2000 & 2001蟬聯歐聯亞軍。我沒特別去查,只是憑記憶,可能有記錯都未定。

Persie
Persie 2013/04/25 03:55:36 回覆

哈哈,#9 又入波2-1

Persie
Persie 2013/04/25 03:48:11 回覆

希望多蒙特加油,不要洩氣。

Persie
Persie 2013/04/25 03:36:02 回覆

多蒙特演出優異,由利雲度夫斯基開紀錄,甚至有機會領先兩球,但由於一個自以為應得但球證沒有吹罰的12碼,唔忿氣,唔專心,唔習中之下,Hummels犯錯,被C朗懲罰,追平1-1

蕃茄
蕃茄 2013/04/24 23:07:41 回覆

Persie, 有人借酒消愁, 有人濫藥以忘憂, 如果沉醉於足球比賽可以沖淡你的憂愁, 便盡情去看多d精彩的賽事吧.--->都係一種好好/經濟/無害(除左會唔夠瞓外)的方法.

希望歐聯決賽睇到皇馬再決戰拜仁就精彩咯.

如果今年拜仁巳成三冠王, 哥帥來年去到執教拜仁都無咩野做到可以更上一層樓啦, 唔通連續兩年做三冠王? 係就勁咯.以前應該係無球隊做到?

李聯廣
李聯廣 2013/04/24 13:44:04 回覆

高空波一向都係巴塞嘅死穴。巴塞今次真係打得好差,可以講係睇咁耐以來最差嘅一次。雖然話係賴傷病,但真係全無還手之力!不過合理賽果應該係3:0,因為第3球拜仁肯定犯規在先。

Persie
Persie 2013/04/24 04:41:05 回覆

巴塞黑暗一夜,輸四球等同出局。恭喜拜仁,真有可能三冠王。

Persie
Persie 2013/04/24 03:38:19 回覆

好耐冇見巴塞如此被動,無態;美斯無法加速,唔夠狀態,看來復原得好慢。後防無法抵受拜仁高波衝擊。

Persie
Persie 2013/04/23 05:33:28 回覆

無論怎樣,足球都可以給我一點安慰,一點快樂。

 

見到雲佩斯這樣開心,我都戥他開心,看他打波多年,是看著他成長的。 

明晚西班牙愛隊出戰了。美斯一定未好,但都要札傷上陣。

Persie
Persie 2013/04/23 05:26:00 回覆

恭喜曼聯,恭喜雲佩斯,今天連中三元又救空門,是最佳男主角。苦候八年終於得到冠軍。 

去年英超最後一夜教球迷永不或忘,咁快又一年。

Persie
Persie 2013/04/23 04:00:42 回覆

RVP連中三元,曼聯今晚要捧杯了。但好有趣,這三球都有越位嫌疑,但第二球好靚,盡顯RVP本色。 

仍未生日三十歲的他華髮早生,在曼聯要證實自己壓力都唔細,但他跟曼聯的教練團很好感情,好似真的一拍即合,這很難得。

Persie
Persie 2013/04/23 03:46:14 回覆

多謝各位。大話的骨牌效應係令你懷疑那人的每一句說話背後的動機。我現在未懂得該怎樣反應,所以暫時未反應,當無事。我都在扮糊塗。 

蕃茄,遺憾地我已經失去了那種幸福的感覺。

蕃茄
蕃茄 2013/04/22 22:20:46 回覆

愉悅的人生, ---->(A)有了健康, (B)有了錢, (C)身邊還要有可共渡餘生的人: 伴侶, 家人, 朋友,

 

慳妹
慳妹 2013/04/22 22:16:29 回覆

舅父仔:世間上有人喜歡無事生非,小事化大、有人喜歡大事化小,小事化無;最終一切都不外如是。

chanreborn
chanreborn 2013/04/22 18:13:13 回覆

persie , how are u doing ? sometimes lets the time run ..

soho*
soho* 2013/04/20 23:52:41 回覆

過去兩周不同地區都發生超過五級的地震, 今天上午8時2分在四川省雅安市蘆山縣發生七級大地震, 地震已知造成152人死亡, 傷者超過5000人, 逾150萬人受災, 這次地震震央雅安蘆山縣北與汶川相連

人生無常, 我們永遠無法知道命運的安排, 遇到甚麼人, 遇到甚麼事, 要發生的, 是不能避免

人生不如意事十常八九.看開點會活得更開心

{#201105202327472132_600w.gif}

幪面馬仔
幪面馬仔 2013/04/20 21:48:39 回覆

舅父仔,如是善意的大‘話就不用太在乎了!自己會辛苦的

浪子152
浪子152 2013/04/20 19:53:44 回覆

Persie 兄: rest more and take care...... don't think too much.

李聯廣
李聯廣 2013/04/20 12:02:36 回覆

Persie
Persie 2013/04/20 10:16:41 回覆

其實最近在我身上發生左一件大事,我無意中發現我最信任的人在向我講大話,件事對我打擊好大,亦好傷感,但我都要面對。曾經天真的想,有了屋,有一千萬,就退休去啦。原來,除了錢,除了健康,人生可以有好多其他問題。

Persie
Persie 2013/04/20 10:14:54 回覆

soho,上落幾萬不是問題,我都唔會現在止蝕,股價都是周期上落。 

我都驚爆大爆,但唔等於現在要散倉,還未係時候。

soho*
soho* 2013/04/20 00:23:43 回覆

過去幾日見期金插穿1400美元, 我已打算試下買幾手 ETF, 不過見佢轉頭彈番上去, 就想跌穿1350美元睇下形勢才考慮, 高盛陰謀唱淡金價從中獲利, 假如我真係入貨, 買幾手輸晒都只係幾萬蚊, 我既心臟仲負荷得到既

Persie
Persie 2013/04/19 07:57:31 回覆

soho,我家不潮濕,但昨晚太熱,半夜開左冷氣,好舒服! 

今月工作較忙,比較少理股市,但隻金ETF輸左廿個%,唔慌唔輸到服。

soho*
soho* 2013/04/18 22:12:53 回覆

Persie, 我今次發喇! 係睡房發霉呀! 開動抽濕機, 抽左10公升水, 一年四季我最憎就係春季, 春雨綿綿潮濕的日子實在非常討厭

今日又濕又熱, 你有冇開冷氣? 我忍住唔開, 凈係開風扇

Persie
Persie 2013/04/17 05:10:02 回覆

極之體能化的一場比賽但只能0-0完場,又失分,唉。

Persie
Persie 2013/04/14 00:14:36 回覆

chanreborn, yeah!!! It was not even a corner too so the penalty actually came out of nowhere but I don't care!!

chanreborn
chanreborn 2013/04/13 23:58:23 回覆

Gervinho is crap and must be sold this summer, how could Wenger tell us that he is the best player in africa ??!!

I love Ox and he turned the game into the winning way.. of course thanks the linesman who gave Arsenal a penalty ,  yeah march on!!

soho*
soho* 2013/04/12 22:04:14 回覆

消息指 #386中石化 斥資 80億人民幣進軍養老地產, 配股資金用黎搞地產, 係真唔係呀?

{#200903131844047194_600w.gif}

 

浪子152
浪子152 2013/04/12 06:05:44 回覆

點會唔失望, 一早叫佢唔好去. 加陣攪成咁, 前四歐聯無埋Bale走, 我睇佢仲點中興!!!!! {#icons_cat4}

386

除淨日2013/06/10 派息日期2013/06/25
Persie
Persie 2013/04/12 05:54:11 回覆

熱刺penalties輸左。十人應戰頂到此階段算係啦。浪子唔好失望。

 

Adebayor係貪功精,最尾一個counter attack,施格臣在左面空晒他都唔肯交,penalty又炒高,超憎佢。 

歐霸四強英超車仔,土耳其費倫巴治,瑞士巴素爾,葡萄牙賓菲加,聯合國爭標。歐聯歐霸明晚抽籤。

Persie
Persie 2013/04/12 05:17:57 回覆

我記得架,cashin你係曼迷嘛。拜仁自1999都有三次入final,都係2000憑門將Kahn在互射12碼時顯露功夫捧杯。 

巴素爾熱刺在大雨滂沱中打到2-2aggregate 4-4,現在加時中,但Vertonghen職業犯規見紅熱刺加時只有十人應戰,死頂中,打完呢場仲唔嘔電,兩條戰線前進不易為。我只是沒料Dempsey可以頂足全場,而且兩個入球都是他取得的。

cashin
cashin 2013/04/12 02:27:21 回覆

法比上場入3球,啲人就話無美斯一樣得,對手不同呀

今場完全below par,可能係緊張掛,美斯上星期對PSG,見佢膝蓋上一度血痕,以為係小事添

我不嬲都唔鍾拜仁,你唔記得? 不過佢地係入決賽常客 {#iconb_46}

Persie
Persie 2013/04/11 23:52:55 回覆

cashin,現在的情況係,美斯就算企系度班隊友信心即刻返晒黎,其實這等同一人球隊,對隊波唔係好事。當然我自己係巴塞迷,當時個心好急,見到追平亦好安慰,但隊波表現係below par。條防線不斷被伊巴劏開,真係吾不欲觀之。我同意PSG打得好好,對他們被淘汰我覺得可惜。他們比多蒙特好,如果取代他們入四強就perfect

 

話說回來,馬拉加被淘汰亦是不值。先撇開兩個越位球,就當一人一球先不要提,球證在最後階段亦緊張埋一份,破壞了整場球賽,馬拉加似在被動,但他們陣內有些老鬼其實是穩住來踢,控製到節奏,亦做到反攻。要知道他們沽出不少好野,比如我愛隊的卡蘇拿,蒙維爾等,但仍有如此表現,我好尊敬班球員。總之多蒙特的取勝球我只能用離大譜來形容。

 

法比重回巴塞之後不是沒有進步,但似乎plateau左,找不到一個他自己的最佳位置。如果是要接沙維班,就疊埋心水去接好了,希望法比更進一步。沙維我從他少看到而家,見到他久歷沙場傷患漸深,可能好快會看埋他收山,我自己都感慨萬千。好多人說美斯幸運沒有什麼傷患,但在列卡特領軍時代美斯有個thigh injury令他抖左大半季,所以我一聽他thigh injury就會驚舊患從來。如果歐聯semi final沒有美斯真係死得,所以他一定要好好保重。

 

拜仁上屆歐聯末段入波,以為贏硬,豈料最後被Drogba搞串個Party,最終仲要三亞而回,傷口擦鹽,傷痛可知。今屆見他們打得好我都代他們高興,但我對德國佬完全沒有好感。 

今年歐聯改制,打完quarter final才抽籤,往年八強戰時已經定埋條線。我有位朋友係陰謀論者,他說兩隊西甲一定不會同線,哈哈,且看。

Persie
Persie 2013/04/11 23:51:48 回覆

浪子,我查etnetquamnet都未見#386的除淨日,你可告訴我是那一天嗎?先謝。

Persie
Persie 2013/04/11 23:51:29 回覆

soho,可能我們要將退休年齡推後,想起每日營營役役做一些很悶的工作,再要做多十幾年,要命! 

不過我阿媽口頭禪係,有工返咪好

cashin
cashin 2013/04/11 22:22:33 回覆

Persie,

美斯一出來,隊波明顯唔同晒,即刻攞番主導權,追番係時間問題!

無美斯壓場,真係差好遠,PSG打得好係原因之一

四強係咪要再抽籤? 不過我覺得拜仁又會入決賽

soho*
soho* 2013/04/11 20:35:52 回覆

踏入四月差不多日日都落雨, 真係煩死人, 蔬菜浸爛晒, 農作物失收, 菜心由$15 一斤加到$25, 貴過豬肉, 唉! 百物騰貴, 典算?

 

Persie
Persie 2013/04/11 05:01:54 回覆

巴塞一額汗出線。PSG打得好好,我會miss他們。

Messi有傷但就算出來企下都係隊友的booster。Pedro 亦射得靚。

四強雙德雙西,幾特別。多蒙特明顯較弱,其他兩支都好硬。

Persie
Persie 2013/04/11 05:00:12 回覆

thanks 浪子,主席。

慳妹
慳妹 2013/04/10 22:35:21 回覆

舅父仔:又唔使咁驚嘅。 退休基金應該係不需要花太多精神打理,我相信大家一定會找到一個穩健而平衡的組合,讓自己可以享受人生。

浪子152
浪子152 2013/04/10 21:29:22 回覆

386 公佈了派息同紅股日子了~~~

Persie
Persie 2013/04/10 05:16:11 回覆

主席:唔通要分散十隻黎買?

Persie
Persie 2013/04/10 05:06:35 回覆

峰迴路轉的晚上,多蒙特由地獄上返天堂!兩球越位波旁證都誤判,不過一人一球算啦。

Galatasaray 伊保 + 史耐達 + 杜奧巴後腳入波已算有交代。

Dortmund and Real 入四強。

慳妹
慳妹 2013/04/09 22:21:43 回覆

chanreborn:ha ha ha,咁你一係就送一手中電俾小蜜蜂等佢做股東,一係就將個環保袋送俾佢;A 餐定 B 餐你自己揀啦。

舅父仔:買磚頭怕遇到租霸,買股票都怕遇到雞股,不停供股合股最後仲無了期停牌;其實各有風險,都係要睇自己運氣。 但相對上買得藍籌或龍頭股收息都應該冇咁驚,最壞都係業務發展進入瓶頸可能影響派息啫;畢竟花無百日紅,當年利豐炙手可熱,吸引淡馬錫入股,供應鍊管理成為哈佛商學院教材,今日連十蚊都不保!

Persie
Persie 2013/04/09 04:04:44 回覆

袋鼠,hello 你好!

Persie
Persie 2013/04/09 04:04:00 回覆

soho,頭條個網真係好唔得,週末流量好低,有乜理由會冧?

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。