經濟隱憂

美國上市公司CEO明知市場水多，造好盤數股價就升，佢自己的股權都會得利，所以睇住盤數的上線營業額唔升，佢地就拼命減下線的成本(匯控就係咁)，以裁員為主，由於佢地機體相當肥，所以一減會馬上見好多利潤，業績就好。

問題是這種減開支式的盈利增長難以永續，所以好彩就捱一兩年捱到生意真正好轉，就是無縫接合，業績持續向好。若實體經濟的增長追唔上，過一兩年減無可減業績又會再倒退。

所以話美股創新高但市盈率仲咁低，好似好抵，其實盈利有水份，所以創高後市場就開始對實體經濟放慢的憂慮加強。亦有小小等待回吐、尋找負面因素的味道。