坦白_有咩嘢錯?

Joe 楊 : 你近排做咩野得咁坦白架?
Pop 植 : 你講咩野坦白呀?
Joe 楊 : 最近喺幾個BLOGs度寫自己d衰野囉!
Pop 植 : 咁, 有咩野問題啫? 我寫我自己, 又唔喺寫人哋, 你唔抵得咩?
Joe 楊 : 你唔驚比人知咁多衰野, 以後唔再睇你寫嘅野咩?
Pop 植 : 我寫自己d衰野, 喺向自己交代! 又唔喺向人交代, 有咩野好驚?
Joe 楊 : 你真喺咁豁達咁開通?
Pop 植 : 我又唔喺老作; 又唔喺呃人; 實話實說, 有咩野唔好?
Joe 楊 :  ?????!!!!!???? 點講你好呢?
Pop 植 : 我坦白左, 人哋有權唔原諒, 最低限度自己個心舒服!
Joe 楊 : 咁又喺!
Pop 植 : 而且, 呢種喺好自然坦白, 網友唔再睇, 都喺好自然嘅事, 邊有得擔心架?
Joe 楊 : 真喺比你吹漲, 皇帝唔急太監急!
Pop 植 : 你都可以學我咁咁坦白架, 不過事先聲明, 我一定唔會睇!
Joe 楊 : ^%#*()_&^$#@!@#$%^&*()(*&^%$#@