無線_四大唱片

四大唱片公司跟香港無線電視握手言和! 講到尾, 都喺利益掛帥, 互相利用! 想當日交惡, 幾多歌手即刻開炮射向無線, 有幾刻薄就用幾刻薄嘅字眼! 點知少左一個宣傳平台, 令到賣碟唔理想, 先至知個死字點寫. 只不過所屬嘅唱片公司企硬, 同無線鬥長命長氣, 攪左幾年又唔喺兩敗俱傷? 何必同個錢字玩大龍鳳??

另一邊, 無線電視都唔化啦! 你估而家嘅時勢仲停留六.七十年代咩! 冇你無線電視, 出面大把頻道攪宣傳啦! 閒閒哋, 網絡世界入面無限空間, 想點宣傳都得, 唔一定要靠無線電視! 何況, 仲有其他有線電視, 同埋幾間等緊發牌嘅免費電視頻道! 所以, 退一步海闊天空, 有錢大家齊齊搵, 有飯齊齊食, 咁先至襟撈架.