睇電視與待人處事

2013/04/04 15:01:46 網誌分類: 娛樂
04 Apr

近來好鐘意睇「仁心解碼」, 佢同「女警愛作戰」一樣好有人情味, 亦令人覺得好應該珍惜生命。追呢兩套劇之餘, 有時太無聊亦有睇「愛回家」, 有時午飯時間睇J2既韓劇, 今日就就唔到時間, 睇左亞視重播「萬家燈火」。

講到人情味呢樣野... 我冇。哈哈!睇緊「萬家燈火」既時候又FEEL到好多人情味...對比「仁心解碼」所講好多人格異常既案例, 「萬家燈火」擺明睇到更多人情味, 但「仁心解碼」既處境就現實好多。至於是否跟得上時代步伐, 當然要睇「仁心解碼」, 但人既年齡漸長, 又鐘意重溫, 其實當年都好鐘意睇「萬家燈火」架啦!

又有「情迷黑森林」俾我重溫D明星年輕時既樣子、青春。當年,D明星真係後生好多...再講, 其實睇「萬家燈火」時見到田蕊妮, 見佢當年都好靚, 比起依家當然係以前靚D, 但佢既電視劇又真係好好睇架喎。亞視近來努力包裝經營, 重播電視劇之餘, 改靚版頭、回顧一D重要既老人家, 好似D演員、導演既生平事跡, 又剪輯返好多好似「天蠶變」果D舊片既片段出黎, 突然覺得以前D劇真係好有水準, 相比「愛回家」D粗製濫造, 其實得閒睇下亞視、睇下舊野亦有得着。學待人處事, 睇「萬家燈火」都幾好, 尤其我呢D唔識講野, 得罪人多稱呼人少既八十後, 要學佢地既待人接物。「情迷黑森林」入面陳文媛既角色都好好, 佢嚮工作場所表現得睇, 說話技巧應值得學習。說話技巧唔會話過唔過時, ARM場合始終係大體既。

「仁心解碼」情節緊湊, 「女警愛作戰」雖然仍然有鬧劇成份, 但有時都睇到我食緊飯都眼定定...始終警察係好型既職業, 仲要係女警添!朱旋飾演既藍愛愛因為工傷而引起創傷後遺症, 真係好慘架!黃智雯演既角色都好好睇, 我真係想剪佢個髮型, 不過未必可以打理得咁靚囉。佢劇中既爸爸都好慘, 同個女吵架之後仲俾賊人傷得咁厲害... 唔知結局會係點呢?

但真係覺得周麗淇D演技比較水皮喎...以前覺得佢同佢家姐唔似樣, 但近日睇個飲食節目廣告, 佢兩個一齊食野, 個樣又似似地... 到底係咪佢個樣大個左所以似多左家姐呢?

其實姐妹情係點, 我真係唔知。但邊食飯邊感受燒餅同佢大佬既兄弟情, 真係幾搞笑。只有嚮電視先可以感受到姐妹情呢樣野, 可能因為咁, 我唔太識同女仔傾計- 我只有兩個呀哥。依家仲多埋個大佬添!都係冇姐妹情... 哈哈。

回應 (1)
我要發表
小女子
小女子 2013/04/06 16:39:32 回覆

{#url.jpg}

user

最新回應

ivina
ivina 2021/12/09

{#iconb_69}

ivina
ivina 2021/12/09

英文版UPLOAD緊

wongi
wongi 2021/11/06

送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!

淺雪
淺雪 2021/10/30

你都幾多想像力..不個鍾意一個人或一首歌..係冇理由可言..