世界裏面有一個我
2013/04/28 15:07:22 網誌分類: 生活
嚮外面既世界, 好大~
嚮咁大既世界, 更容易見到我自己。
以前除左返工返學之外, 只嚮屋企上網、做功課、睇書、食飯、睡覺, 但周圍係有父母、哥哥既。
依家多左好多私人時間, 去思考~
而且可以一邊改衫一邊思考、一邊熨衫一邊思考、一邊睡好耐一邊思考, 而且每星期六日都可睡到正午十二點架!!
上網少左, 睇電視多左。
睇到d人為脫髮而煩, 我應該開心自己咁多頭髮, 就算好難打理;
睇到d明星, 年紀細過我, 個樣殘過我勁多, 睇落去我覺得佢地30幾歲, 但事實上我先係就快3字頭, 佢地只係2字頭
睇穿明星既彩妝以下, 五官... 哈哈...
近來我鐘意素顏出街啦!!!
睇到某廣告, 明模陳x容講野, 我先知佢把聲咁「擦」, 而我第一次慶幸自己把聲似細路女
台灣人、回流既人用左黎拍廣告
佢地d口音其實不利香港小朋友學習講野
「我要健康、我要消脂」果個, 以及陳奐x先生做旁白個廣告... 其實我係好唔鐘意廣告有口音。
搵配音好難咩? 定係佢地想証明自己講到廣東話... 但係...
可能我太着重語言既純正。
原來嚮現今香港社會,
我係有咁多值得自己開心既特徵...
咁我唔可以再唔開心, 唔可以再睇唔起自己, 唔可以再自暴自棄,
因為燒餅從來冇放棄過我,
我就好似城堡裏面既公主, 活得好開心。
即使出面d人點睇我,
或者覺得我擔唔到大旗,
大概因為我內心唔夠悍, 而且唔想悍, 仲有... 大家都比較想保護我, 多於聽我支笛。
回應 (0)
我要發表