八號風球
2007/08/10 21:06:31 網誌分類: 未分類
久違了的八號風球。
仍在工作，但很掛念家裡八隻反斗星，同事說她家的貓一遇上行雷閃電，就會怕得通屋逃竄，不知道他們怕不怕呢?以前襪仔一見閃電，就會黏到我腳下不肯走，行雷更是怕得耳仔向後，變成飛機耳。
我也怕行雷時一個人在家，不是怕被劈死，而是那種山雨欲來，只得自己一個撐著的感覺。有一年住宿舍，趕功課連打風也不肯回家，看著對面山頭的雨轟然湧至，像非要把地球淹死不罷休的氣勢。那份功課，可是我咬著牙，抱著枕頭才能完成的。多年後的今日，我一樣坐在電腦前面打呀打，仍未收得工呀。
致電回家，家人說，他們睡得正死呢
!!!!!!!
我常奇怪點解香港人鍾意一窩蜂，八號風球之嘛，又唔係世界末日，hur一聲湧晒出街，肯定塞車塞船乜都塞晒，有同事個妹搭地鐵被人踩腫咗隻腳，又有的在中環站落唔到車被迫去了銅鑼灣，有的在南丫島碼頭外大力拍打大閘，叫人冒著沉船危機要人開船。昨日的下午，香港真係似打仗。
你條魚咁得意?咁主人應點樣照顧魚媽媽?
我三點去做單0野，點知單0野拖到四點幾先開始，原先話到0個幾個人全部唔到，食白果，班睇熱鬧0既街坊仲不斷又推又撞。五點幾排隊搭的士返屋企，等到六點半先有車。ding住行鼻涕在勁風中食麥當勞，塊青瓜好似就快被風吹走0甘，都咪話唔好笑。
做貓真係好，唔駛返工，自然就唔駛打風趕車逼餐死返屋企啦！
最終九點半至收工，八號風球啱啱落左，街上死寂一片，雞飛走狗就係咁解。。。