家駒逝世20周年 黃家強寄語:今天失好好
2013/05/06 10:43:36 網誌分類: 娛樂
| 今年是樂隊Beyond成立30周年，亦是主音黃家駒逝世20周年，為了紀念哥哥，弟弟家強寫了首歌《好好》送給他，他希望告知在天上的家駒：「今天我好好，好想你知道。」原本有人想拉攏他、黃貫中（Paul）和葉世榮三子舉行紀念演唱會，可惜搞唔成，卻造就家強加盟大岳娛樂，下月4日及5日在九展開首次的個人演唱會《It's Alright》。除了與歌迷分享他的音樂歷程，也不少得一齊去緬懷家駒。 主持：黃柏高 統籌：林永匡 協力：袁東亮、李佩儀 命裏早安排 家駒表面上是離開了我們，但其實已長駐很多人的心中，包括家強。家強相信哥哥已成為天使，並一直守護着他，就好似他寫《好好》時，根本沒想到首歌可以公諸於世。 「我寫呢首歌時，無諗過可以簽到????家呢間公司，仲出到呢首歌，當時我只係諗，哥哥離開咗我20年，我好想寫首歌畀佢。點知寫完之後，有人搵我搞紀念演唱會，雖然最終搞唔成，但我就簽咗小齊（任賢齊）嘅公司，亦因為有呢首歌，公司話不如搞個演唱會，好似係天意咁，佢安排好晒。」 首次開個唱 由於是第一次舉行賣飛的演唱會，家強真的很開心，所以整個演唱會的流程，他都經過心思熟慮，除了將他的音樂歷程逐一細數外，也會邀請任賢齊、黃耀明和盧凱彤（Ellen）擔任嘉賓，還預留一part來懷念家駒。 「由我啱啱攞住支結他彈咗幾個月就入咗Beyond，我嘅成長過程同青春都擺晒喺Beyond度，我想喺演唱會講吓四個人嘅時期係點，三個人嘅時期又係點，到中間有段時間我想挑戰自己幫人寫歌，我寫過歌俾王菲、陳慧琳同陳小春，而其中一part係希望歌迷同我一齊紀念哥哥。」 常自言自語 家強對家駒的思念，沒有因為日子過去而減退，反而他不時會跟哥哥傾訴。旁人不了解，見到他自言自語還以為他是儍的，但原來每當家強感到迷惘時，只要問家駒，總會找到答案。 「五年前樓價唔高時，我想買個Band房，但睇啱個工廠大廈單位好爛，買返嚟裝修都有排搞，當我唔知買唔買好，就決定擲銀仔公字問阿哥，點知擲完出嚟係叫我買，我就花咗百幾萬好用心去裝修，裝修費仲貴過個樓價。但我????家有個地方可以安靜哋做自己嘅音樂，又唔使有租金嘅負擔，而且層樓仲升咗值。」 被光環罩住 家駒的影子似是揮之不去，曾有記者問他、阿Paul和世榮一個問題：「Beyond畀你哋三個一個好大嘅框框，框死咗你哋跳唔出去？」家強並唔同意，更着大家不應有這樣的想法。 「我唔覺得嗰個係框框，反而係一個光環，點解我要跳出Beyond嘅框框，唔使㗎！因為呢個光環罩住我，令我無憂無慮，起碼我哋三個唔使憂柴憂米，可以做自己鍾意嘅事，其實我哋好幸福呀！」 實現兩大計 現時家強除密鑼緊鼓準備個唱，他還有兩個大計希望在今年實行，就是推出純音樂的唱片，並籌備一張主流專輯，但卻是有難度，因前者老闆未必buy，後者卻要看他的進度，原來他出名慢工出細貨。 「其實我做好咗隻純音樂嘅唱片，比較moody嘅音樂，偏向灰少少，但我唔知點發行，你知????家主流都咁難賣，仲純音樂，你同老闆講佢可能話遲啲先，或索性唔聽，咁嘅情況，我睇吓點『凳』咗呢件嘢出嚟先。做完演唱會，我仲想做多隻主流嘅唱片，我年紀唔細，要加快腳步。」 家強的國語不流利，常擔心唱不好國語歌，內地的歌迷會離他而去，但只要堅持信念，好的音樂總能打動天下人。 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
回應 (0)
我要發表
