中環在線：眉淡衰收尾
商交所爆煲又捲入假文件案，主席兼「首席梁粉」張震遠頓成城中熱話人物，仲被人翻舊賬，唔計進入首階段除牌程序嘅泰山石化（1192）外，佢早於九十年代 任英國富地石油CEO時已搞垮公司。究竟係公司黑仔，還是佢嘅面相唔適宜做管理同創業呢？
眉淡衰收尾
2013/05/29 05:51:14 網誌分類: 生活
顴骨冇肉 五行欠水
麥玲玲師傅睇過張震遠面相，即刻話佢衰在條眉唔靚，屬「眉淡」之人。眉主一個人嘅計劃同執行能力，眉清、粗且濃、眉尾唔散、冇折斷先係靚眉，呢類人辦事能 力強，首富李嘉誠頭馬霍建寧、港交所（388）前主席夏佳理係最佳例子；相反「眉淡嘅人，通常有頭冇尾，一定衰收尾」。
區仲德師傅就憑面相睇張震遠有冇錢，指佢印堂凹咗，兩塊面珠冇肉，唔算有錢面相。雖然話鼻主財星，張有個豬膽鼻，似乎係好，但佢山根位凹，事業發展唔順，加上顴骨冇肉，冇乜貴人。簡言之都係五行欠水。
再八卦啲問吓，睇唔睇到張震遠會否遇上牢獄之災?麥玲玲話要睇掌先知，區仲德就話要睇氣息，即係講唔到。查實風水面相都係八卦吓，留意警方同證監會有乜行動仲實際，張震遠噚日冇返數碼港商交所寫字樓，唔知去咗邊度謀對策呢？
李華華
LiWaWa@AppleDaily.com
回應 (1)
我要發表
mattock 2013/05/29 05:53:05 回覆
