電視迷
2013/05/31 08:41:22 網誌分類: 生活
六貓之中,真真可算是超級電視迷,電視劇、綜藝娛樂、科學節目乜都啱,連電視汁都撈埋。 從前電視櫃比較高,牠對電視機興趣不大,轉了矮電視櫃後,逐漸見牠會睇足球,雙眼跟着個波擺來擺去。這期碰正Ironman熱潮在家煲舊碟,才留意到真真對飛來飛去的鐵甲人好亢奮,趴近嗅嗦熒光幕之餘,仲會出手拍打,拍到拍拍聲。有次看《AnimalPlanet》講貓科進化史,儍真真見到自己的同類,先是凝視住,跟住兩隻後腳企高,再貼近熒光幕,當有一籃貓B出現並喵喵叫時,牠即出手撫摸,口裏並發出低叫,直到節目播完,牠的眼睛沒有離開過。另有一個以貓做主角的廣告,真真也是目不轉睛,有點愛上女主角的甜蜜表情。 至於近期的電視劇,真真也有看,卻每每在途中睡去,看來不太吸引。牠還是較喜愛快速移動的畫面、刺激的劇情,牠的口味,竟有點似我呢! 關慧玲 |
mtleung 隻貓好神氣
明珠台星期五八時半有貓貓節目, 但上兩集已講貓, 今集講狗, 可以開電視俾真真
你地主人識睇電視真好,我真希望我隻主人識睇電視咁佢唔駛咁悶,可惜佢永遠掂行掂過
六貓 ??? 點解 ?
關小姐 咩事都好, 請讓我們一起分擔! 我哋一定會支持你同你一家貓貓!
關小姐,
咁即係點? 係阿kidd定阿寶?
臭蕃薯,
心細如塵的你,果然是知音.....
mtleung,
真真睇貓科進化一樣係好有反應,最悶就係電視劇呢。
"六貓"???關小姐, 你打錯字咋吓話!!!唔好嚇我呀!係七貓至啱呀嘛!!!
真真可以做奶爸喎
哈哈哈, 我家中也有電視迷, 但她只愛看走動得較快的動物, 其他一概無興趣!