新成員
2013/07/05 08:41:17 網誌分類: 生活
每次有新成員加入,舊貓都有微妙的改變。 向來最曳的肥米,還有乜都玩一餐的真真,見到新成員加入,立即老成持重起來,時刻貓視眈眈。 我的方法是先將新成員隔離,幾日後再抱舊貓到新貓隔離的地方,讓牠嗅嗅新貓的味道;之後抱新貓到舊貓的住處讓牠嗅聞,此時千萬不要讓新舊貓真正接觸,否則分分鐘開拖都似。 一星期後,我會先將新貓放出來一會,但不要太久,大約五至十分鐘,肥米離遠監視,不敢近身,真真和紅豆就「Haha」聲十分抗拒,之後又再隔開牠們。如是者每日延長一點相處的時間,直至新舊貓碰面時不再互相「Haha」聲為止。 如家中有貓籠,可將新貓放到籠中,放在大廳幾日,同樣令舊貓習慣陌生氣味,視乎兩者接納程度而縮短隔離時間。新舊貓融合的關鍵,是要對舊貓好一點,再好一點,別讓牠們覺得我變心了。 關慧玲 |
呂鳳儀,
可以諗諗丫!!
Ms. 關呀, 您有冇興趣帶肥米等是但一隻貓爺踩尖東忌廉哥埸, 錄低條片俾大家睇吓呀?! 我想睇吓您啲貓爺會唔會好似haywong709隻貓提子咁栗咗尖東忌廉哥, hehe~
Hay&Pet - 提子遇上忌廉哥
http://www.youtube.com/watch?v=omKs11SoZY0
pak ma
伸手拍人者原是被欺負的???
btw我見到你家中有,多謝支持呀!!!
臻淇貞子
我記得架。係拍過一些短片,之後遇上阿寶病重沒心機,就此擱下來了。
momo要加油呀...好期待新舊貓融合相處佻皮的場景.
講開兜巴星,米米o個巴仲未有得睇喎關小姐
pak ma, 嘩, 果一巴掌好應喎!
哈哈.....這相很有趣,就送給關小姐及各位貓奴看看,,,,,,,,,,
大家估下,係邊隻貓是被欺負的?(黑色還是灰色)
這情景就是我口中說的..."相處好講運氣"
臻淇貞子,pa ma,
請留意mo仔的額角,係通紅架,証明谷血上腦,驚嘅係佢,惡嘅係紅豆小姐丫。
o哈哈,融合暫未成功,同志仍須努力。
pak ma
我驚mo仔係驚到縮左響後面多d,紅小姐個樣好似好凶呀! d毛樹起晒~
這張相,,好驚啫 ,新貓在電視機後行出來??
即見到「haha」聲的紅豆小姐,,,,,, 之後佢地又點呀?關小組
新舊貓的相處,真是好講運氣呢...........
關小姐您的新舊貓加入方法,很細心呀,,也很佩服您!,,,,,,,,
sammisp821:
我看不會,關小姐謂紅豆「Haha」聲十分抗拒阿Mo,之後還要隔開牠們。
Old-Ox
阿MO咁似阿寶,唔知紅豆小姐會唔會對佢份外親切呢?