記者《一人又一故事》 余紫玲徵文勇奪冠
2013/07/18 08:41:11
網誌分類:
生活
| 被稱為「新聞界心靈雞湯」嘅《一人又一故事》，昨日喺書展首次面世。今年特別舉辦咗徵文比賽，前無綫電視記者余紫玲一篇《是兵還是賊？》勇奪冠軍，係佢憶述把新聞片收入胸圍，才能繞過內地檢查，把片段帶返香港嘅經過，當然抵獲獎啦。 余紫玲五年前仍在無綫跑新聞時，往內地做一條環保新聞，由於當局封鎖消息，佢唯有「偷偷摸摸」採訪，形容成個過程好似「做賊咁」。回港嘅時候，為了唔畀內地海關收走錄影帶，佢偷偷地將錄影帶放入胸圍裏面，終於成功「過骨」，Kelly聽完之後，大讚佢機智過人。 余紫玲離開記者行業後，現在喺美國洛杉磯安全品質管理局擔任環保法案政治游說工作，佢今次獲獎，覺得係評委對佢嘅厚愛，亦衷心希望香港能早日實現「真民主、真普選」，保障香港新聞自由。 另外，《星島日報》和《頭條日報》共有五篇文章收錄在《一人又一故事》內，其中一名記者講述為跑新聞，不惜犧牲一段情。 KellyChu |
 | |
|
回應
(0)
我要發表