張曉明筲箕論妙答 「篩走稗子」有玄機
2013/07/18 08:41:15
網誌分類:
生活
中聯辦主任張曉明前日用「筲箕論」講普選,Kelly唔少中環CEO朋友都覺得佢嘅比喻頗堪細味。有CEO朋友同Kelly講,張曉明講到「篩子」用作淘汰「稗籽」(中聯辦新聞稿用字),好啱本港中產口味喎,因為聖經中有「稗子」嘅比喻,唔少讀過聖經嘅中產,都會想到聖經中嘅比喻,啱晒嘴形。 張曉明前日同立法會議員午宴,有議員送個「篩子」給張曉明,以示希望特首選舉不要有篩選機制,不過張曉明就借力打力,為「篩子」平反,反問篩走稗子何罪之有,「篩子」可淘汰「稗子」。佢嘅言論喺政商界高層引起唔少討論,平時有讀開聖經嘅CEO朋友就同Kelly講,即時聯想到聖經中有關「稗子」嘅比喻,稗子是毒麥,人吃了會頭暈作嘔,甚至產生幻覺,但卻可作為雀鳥飼料。 外表像大麥有毒性 稗子外表像大麥,色灰暗,比麥粒略瘦長,不容易分辨,而且生長時根鬚與麥子盤結交錯。要分辨麥子同稗子,只可以等成熟收割時,稗子長得高過麥子。收成後留下來的稗子,可作燒柴用。 CEO朋友覺得,張曉明的演講語帶雙關,令人聯想到「稗子」的比喻,似暗指如果選舉不設篩選,港人就有機會食咗毒麥,到時難免屙嘔肚痛。 KellyChu |
| |
|
回應
(0)
我要發表