【四】有眼睇

中停之眼主流年35至40歲的運程，眼運很重要，眼要求很簡單，眼珠黑白分明，有神。要睇人是否在運行中，睇眼便知道，行運之人眼一定有神。

眼睛黑白分明且有神的人，做事斬釘切鐵，唔會拖泥帶水，容易成功。

心出為眼，眼是出容易出賣一個人，睇人雙眼便知對方諗緊乜№，忠奸自會露出端倪。當一個人走運，無論捱足通宵，雙眼一樣硲硲有神。人生正在搏殺中，但當一個滿足現狀，或缺乏拼搏心的人，眼神是柔和的。當一個人行衰運，或走下坡時，眼神是散煥的。

若然有人本身大細眼或高低眼，再加上一個疑惑的眼神，多數會在眼運之年出現問題，而且最容易出現婚姻問題，感情出現問題，因為眼珠亦係睇感情。

眼尾位置為夫妻感情宮，所以眼尾耷或有魚尾紋插入奸門（眼尾位置），都係主感情容易有變，有很多人誤以為魚尾紋為桃花紋，其實是錯誤的。魚尾紋其實係匬妻紋，因魚尾位置叫夫妻感情宮，有魚尾紋插入夫妻感情宮，自然會對夫妻感情有刑匬，感情容易有變，夫妻多意見不合，對妻子健康有損，甚至離婚。

眼肚位置叫臥蠶，為子女品質宮，睇仔女孝順與否，將來是否容易出人頭地。而真正的桃花紋，就是眼中間的臥蠶位置，延伸出的一條紋。有此紋者，一生都會多桃花，婚前婚後如是，一生中都容易出現三角關係。若發現自己有這條紋，要修心養性，盡量刻制。

眼頭為龍宮，古語有云：「龍宮破缺，家財缺滅。」左右眼頭分別指35及36歲，若眼頭露肉，視為龍宮破缺，主35及36歲時容易敗家、破家財、破大財。龍宮要勾曲，忌尖直，故亦有云：「龍宮如勾曲，經營得富足。」指宜做生意，容易發達。而龍宮尖直，便有如兩把尖刀直插山根（鼻樑），山根可睇母親健康狀況，且鼻都是夫妻宮，眼插鼻樑，都會影響婚姻狀況。

眉眼之間為田宅宮，亦即上眼簾浮腫，咸濕好色；瘦陷，六親無緣無助，容易孤獨。田宅宮闊，即眉眼距離闊，早成名，女性的話就會較孝順及家庭觀念濃厚，講親情。

眼大，心地善良有人情味；眼珠細，心猜、狡滑、奸險。

在論眼時，常提及眼要有神，但何謂有神？係要黑白分明，睇落去好似有反光咁，就叫有神。因為眼有神，就肯下判斷，夠進取，坐言起行。即使有桃花到臨，都會變成桃花運，若隻眼無神，咁就可能係桃花劫。所以眼有無神同眼靚與醜無關。

在相學中，男重精神女重氣血。男性以眼為主，女性睇氣血則睇咀唇。凡眼有問題者，多數都是跟婚姻及感情有關。

此文曾於頭條日報專欄「玄學人」中刊登，由於報章版面有限，不能足本刊登，現將全文重新刊載在Blogcity與讀者分享，如有植字方面的錯漏，敬請指教。