【八】下巴兜兜，晚境無憂

上停睇人生起步，中停睇奮鬥歷程，下停睇晚年境況。所以下巴好重要，晚年有沒有安樂茶飯，都係睇佢。

下停由50歲開始，其實50歲之後，最重要睇神氣，部位是其次。在整體來說，下巴要厚重為好，一要兜，二要闊，相書云：「下巴兜兜，晚景無休。」所以下巴忌尖咀縮ü。事實上，下巴尖削，晚景都係悽涼，若然後生時下巴尖削無所謂，可能仲靚仔！但到中晚年仲未變圓變厚，咁你要小心鱓喇！

下巴兜之餘要夠厚，下巴厚，表示晚年運氣強勁，所以下巴兜，有用，下巴長，無用，鞋抽有用，馬面無用，下巴兜就係地閣向前凸，而且要夠寬闊，最好下巴底下仲有餘肉「墮落鈬」。當然，好多女人聽見都縐眉，嫌肉酸，但係晚年好兼長壽，今次真係要靚定要命！

下巴要夠寬、夠飽滿。但若然唔夠方、唔夠闊、唔夠飽滿，就要夠兜，所以下巴有兩個要求就係咁解。相學上，北方人個相要厚重，南方人個樣要輕清，而下巴就係其中一個最關鍵的地方，所以北方人下巴較飽滿，南方人下巴較尖削，但到老時，唔理南方人定北方人，總之尖下巴就無運行。

相書又云：「眉毛不及耳毛，耳毛不及項下ⓑ。」代表晚年安樂長壽，兒孫滿堂，不至孤獨終老，且老有餘錢。年紀大的人著重神氣，有神表示佢仲有運氣，無神就無運行。神弱亦即壽元差唔多。

奴僕宮，古代睇有否下屬緣份、伙記是否得力、冕年有沒有工人使喚，亦即反映晚年生活狀況。

陂池、鴨鵝：為流年64-65歲之位置，亦即酒凹位置，一般人認為有酒凹係靚，但可惜有酒凹表示在64、65之年，會有家產流失及災劫。因古代指示若陂池鴨鵝凹陷者，在64、65之年遇瘟疫、魚塘的魚及所飼養的生畜等家庭產業，因死亡而破財受損，而現在則表示該年會損失部份家產。

金縷，在兩邊咀角之紋，表示在正職以外有收入，表示入息來自多方，自有豐富資產過晚年。

歸來，睇兒孫緣份，晚年仔女是否在身邊，晚年是否兒孫滿堂，安享晚年。

尖下巴，人主外，容易飄泊，自尊心強，愛幻想，富藝術天份，但恃才持久力較差，且容易與現實脫節，家庭觀念較薄，以至老年容易孫獨，思想容易偏激。

方下巴，屬運動型，多國字口面，意志力堅定，有毅力，富忍耐力，重實際。能保守秘密，對家庭有責任，但若然ü骨過份硬朗及橫張，人容易反骨、易出朋友。

圓下巴，善交際，人靈活，量度大，人緣好，易受人擁戴，重生活質素，重物質，家庭觀念重，得下屬信任，冕年不錯，但人容易沉淪色慾、物慾，好滿足自己。

61 承　漿　　62 左地庫　　63 右地庫　　64 陂　池
65 鴨　鵝　　66 左金縷　　67 右金縷　　68 歸　來
69 歸　來　　70 頌　堂　　71 地　閣　　72 奴　僕
73 奴　僕

此文曾於頭條日報專欄「玄學人」中刊登，由於報章版面有限，不能足本刊登，現將全文重新刊載在Blogcity與讀者分享，如有植字方面的錯漏，敬請指教。